8 جانە 12 جاس ارالىعىنداعى تالانتتى ۇل-قىزداردى تاۋىپ, بولاشاعىنا جول اشۋ ماقساتىنداعى بايقاۋعا تالاپتىلاردىڭ كوپ بولۋى تۇسىنىكتى, ويتكەنى, بىرىنشىدەن – ايماقتاردان وزا شىققان ەڭ ۇزدىك 17 بالا كۇزدە بايقاۋدىڭ اقتىق كەزەڭىندە ونەر كورسەتەدى, ەكىنشىدەن اقتىق كەزەڭدە ۇزدىك تانىلعان ورەن ەلىمىزدەگى تاڭداۋلى مۋزىكالىق ءبىلىم ورداسىنىڭ گرانتى مەن «ديسنەيلەند» ەرتەگى الەمىنە جولداما الادى. سونداي-اق, جوبا يەسى «جاندانۋ الەمى» قوعامدىق قورى ولارعا قولداۋ كورسەتىپ, شىعارماشىلىق قابىلەتىن ۇشتاۋعا, دامىتۋعا كومەكتەسەدى. بۇعان دەيىنگى وتكىزىلگەن ءۇش ماۋسىم قورىتىندىسى بويىنشا, ىرىكتەۋ كەزەڭدەرىنە 20 156 بالا قاتىسىپ, بالاباقشالار مەن مەكتەپتەرگە ارنالعان 56 جاڭا اندەر جازىلعان. سونداي-اق, تەلەۆيزيالىق ەفيرلەردە 12 كونتسەرتتىك شوۋ وتكىزىلىپ, 24 كۇندەلىك, 128 بەينەروليكتەر كورسەتىلگەن. اتالمىش ءان بايقاۋىنان تۇلەگەن كوپتەگەن قارلىعاش-ونەرپازدار قور قولداۋىمەن مۋزىكالىق مەكتەپتەر مەن كوللەدجدەردە ءبىلىم الۋدا.
-قازىر تالانتتى بالالار وتە كوپ, ولار بىرنەشە تىلدە سويلەپ, ءان شىرقاي الادى جانە اندەردى جاقسى تاڭداي الادى. بىراق, ولاردىڭ بارلىعىندا ءوز ونەرلەرىن تانىتۋ, كورسەتۋ مۇمكىندىگى بار دەي المايمىز. ءبىز تالانتتى بالالاردى العا قاراي جەتەلەپ, قولداۋ كورسەتۋىمىز قاجەت. سوندىقتان «بالا داۋىسى» ءان بايقاۋىنىڭ الار ورنى زور جانە قاجەت. ورىنداۋشىنىڭ قاي تىلدە ورىنداۋىنا جانە ستيلىنە, ياعني جانرىنا شەكتەۋ جوق – ول ءداستۇرلى ءان بە نەمەسە ەسترادالىق ءان بە, الدە شەتەلدىك ءانشىنىڭ رەپەرتۋارىنان با – بىزگە ەڭ باستىسى بالانىڭ تالانتى ماڭىزدى, دەيدى ءان بايقاۋىنا قازىلىق ەتۋشى ءانشى ب.كۋشكاليەۆ.
ءان بايقاۋىندا جەڭىمپاز اتانۋ قۋانىشى اقتاۋ قالاسىنداعى №13 مەكتەپتىڭ وقۋشىسى 11 جاسار قارجاۋباەۆا ديلياراعا بۇيىردى. ول قازاق, ورىس جانە اعىلشىن تىلدەرىندە اندەردى ءمىنسىز ورىنداپ, قازىلاردىڭ نازارىنا بىردەن ىلىكتى. ەندى ول ۇيىمداسىترۋشىلار تاراپىننا جاسالعنا مۇمكىندىك اياسىندا ۆوكال, حورەوگرافيا جانە ارتىستىك قابىلەتىن ارتتىراتىن ساباقتارعا قاتىسىپ, كۇزدە الماتىدا وتەتىن اقتىق كەزەڭدە ماڭعىستاۋدىڭ نامىسىن قورعايتىن بولادى.
ماڭعىستاۋ وبلىسى
