الماتى, تاراز, شىمكەنت, تۇركىستان, قىزىلوردا, اقتوبە جانە ورال قالالارىنداعى ءوتىنىش بىلدىرگەن 1502 تالانتتى بالالار اراسىنان ءوز تاڭداۋىن جاساپ, اقتاۋعا قادام باسقان ىرىكتەۋشى ونەرپازداردىڭ الدىندا 132 بالا ونەرلەرىن ورتاعا سالدى.
ءان بايقاۋىندا جەڭىمپاز اتانۋ قۋانىشى اقتاۋ قالاسىنداعى №13 مەكتەپتىڭ وقۋشىسى 11 جاسار قارجاۋباەۆا ديلياراعا بۇيىردى. ول قازاق, ورىس جانە اعىلشىن تىلدەرىندە اندەردى ءمىنسىز ورىنداپ, قازىلاردىڭ نازارىنا بىردەن ىلىكتى. ەندى ول ۇيىمداستىرۋشىلار تاراپىنان جاسالعان مۇمكىندىك اياسىندا ۆوكال, حورەوگرافيا جانە ارتىستىك قابىلەتىن ارتتىراتىن ساباقتارعا قاتىسىپ, كۇزدە الماتىدا وتەتىن اقتىق كەزەڭدە ماڭعىستاۋدىڭ نامىسىن قورعايتىن بولادى.
ماڭعىستاۋ وبلىسى
