قوعام ايناسى
سارسەنبى, 20 ماۋسىم 2012 7:54
بەيبىت تە بەرەكەلى ەلىمىزدىڭ قاۋىپسىزدىگى قىراعىلىقتى قاجەت ەتەدى.ەلباسىمىزدىڭ سىندارلى ساياساتى تاتۋلىققا, دوستىققارىم-قاتىناسقا نەگىزدەلگەن. الەمدى شارپىپ تۇرعان دۇربەلەڭدەر,داعدارىستار, قيان-كەسكى ۇرىستاردىڭ اراسىندا قازاقستاننىڭىنتىماقتى, ىرىستى ءومىر كەشۋىنىڭ ءوزى ءبىر عانيبەت. بۇل دا مەملەكەتتىكساياساتتىڭ نىق, دۇرىس باعىت ۇستانىپ وتىرعانىن كورسەتەدى.
سارسەنبى, 20 ماۋسىم 2012 7:54
بەيبىت تە بەرەكەلى ەلىمىزدىڭ قاۋىپسىزدىگى قىراعىلىقتى قاجەت ەتەدى.ەلباسىمىزدىڭ سىندارلى ساياساتى تاتۋلىققا, دوستىققارىم-قاتىناسقا نەگىزدەلگەن. الەمدى شارپىپ تۇرعان دۇربەلەڭدەر,داعدارىستار, قيان-كەسكى ۇرىستاردىڭ اراسىندا قازاقستاننىڭىنتىماقتى, ىرىستى ءومىر كەشۋىنىڭ ءوزى ءبىر عانيبەت. بۇل دا مەملەكەتتىكساياساتتىڭ نىق, دۇرىس باعىت ۇستانىپ وتىرعانىن كورسەتەدى.
ەل قاۋىپسىزدىگىن ساقتاۋدا پوليتسيا قىزمەتكەرلەرىنىڭ ەڭبەگى ەرەن. ءتارتىپ ساقشىلارىنىڭ تىنىمسىز ەڭبەگى ارقاسىندا ەل ىشىندە تاتۋلىق ورناپ وتىرعانىن ايتۋ كەرەك. ۇلكەن قاقتىعىستاردىڭ ءبارى كىشىگىرىم تۇسىنىسپەۋشىلىكتەردەن تۋىندايتىنى بەلگىلى. بۇل ورايدا ءورتتى تۇتانعان ءساتىنەن ءوشىرىپ, حالىقتى ىنتىماققا شاقىرىپ جۇرگەن ساقشىلاردىڭ ەل قورعانى ەكەنىن مويىنداۋ قاجەت. پوليتسيانىڭ قوعامدا الاتىن ورنى زور, ءرولى ەرەكشە. حالىقتىڭ تىنىشتىعىن ساقتاۋشىلار – مەملەكەتتىڭ باستى كومەكشىلەرى.
پرەزيدەنت «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىققا قول قويىپ, جاڭا باستاما كوتەردى. ءسويتىپ, قۇقىق قورعاۋ سالاسىندا ۇلكەن جاڭعىرۋ باستاۋ الىپ وتىر. ەل قاۋىپسىزدىگى – باستى ماسەلە. پرەزيدەنت بۇل مىندەتتى جىلداعى جولداۋىنان تىس قالدىرمايدى. بيىلعى حالىققا ارناعان جولداۋىندا دا ەلباسى ءححى عاسىردىڭ زاماناۋي مەملەكەتتى باسقارۋعا جوعارى تالاپتار قويىپ وتىرعاندىعىن ەرەكشە اتاپ ءوتىپ, جاڭا ءداۋىر, سونداي-اق مەملەكەتتەگى ءتارتىپتى ساقتاپ تۇرۋ سالاسىندا دا جاڭاشا كوزقاراستار قاجەتتىگىن ناقتىلادى. پرەزيدەنتتىڭ باستاماسىمەن جۇزەگە اسىرىلاتىن كەزەكتەن تىس اتتەستاتتاۋ ناتيجەسىندە قۇقىق قورعاۋ ورگاندارىندا ءوز ىسىنە ادال ناعىز ماماندار قالادى دەپ سەنەمىز.
قۇقىق قورعاۋ سالاسىنىڭ قىزمەتكەرى وتانىن شەكسىز سۇيەتىن, مەملەكەتشىل, ادىلدىكتى وزىنە ۇران ەتكەن, تۋرا جولدان تايمايتىن ازامات بولۋى كەرەك. ءاربىر قۇقىق قورعاۋ سالاسىنىڭ قىزمەتكەرى وزدەرىن مەملەكەتتىك ساياساتتى ءجۇزەگە اسىرۋشىلار ەكەندىگىن, حالىقتىڭ ولاردىڭ جۇمىسىنا باعا بەرۋى ارقىلى جالپى مەملەكەتتىك ساياساتقا باعا بەرىلەتىندىگىن, ياعني بۇگىنگى ءادىل شەشىم حالىقتىڭ ەرتەڭگى ومىرگە سەنىمى ەكەنىن ءتۇسىنۋى ءتيىس. مەملەكەت مۇددەسىن, قوعام قاۋىپسىزدىگىن قامتاماسىز ەتۋدە اسقان ەرلىك كورسەتىپ, ۇرپاققا ۇلگى بولعان ابزال ازاماتتارىمىز قۇقىق قورعاۋ سالاسىندا جەتەرلىك. ءوز ءىسىنىڭ شىنايى ماماندارى قانداي جاعدايدا دا جۇمىسىن كورسەتە بىلەدى, سىناقتان شىڭدالىپ, باسقالارعا ۇلگى بولاتىنىنا سەنىم مول.
جالپى, قازاق ساقشىلارىنىڭ بۇگىنگى قارىمى كوز قۋانتادى. سوڭعى جىلدارى ىشكى ىستەر ورگاندارىنىڭ ماتەريالدىق-تەحنيكالىق بازاسى مەن تەحنيكالىق قامتۋ جاعىنان ەداۋىر نىعايىپ كەلە جاتقانىن ماقتانىشپەن ايتامىز. جاڭا تەحنولوگيالار, بەينەباقىلاۋ, جاڭا ۇلگىدەگى جىلدامدىق ولشەگىشتەر, كومپيۋتەرلەر مەن كوپتەگەن تەحنيكا ەنگىزىلۋدە. بۇل جۇمىس جاعدايىن عانا جاقسارتپاي, ونىڭ تيىمدىلىگىن دە ارتتىرادى. پوليتسيا قىزمەتكەرلەرى دە زامان تالابىنا ساي بەيىمدەلۋى شارت. ولار – قوعام ايناسى. ساقشىلار بارشا قوعامدا ءومىر ءسۇرىپ جاتقان حالىقپەن جۇمىس ىستەيدى, كوپتىڭ ورتاسىندا جۇرەدى. حالىققا جاقىن بولىپ, ازاماتتار قۇقىقتارىنىڭ بۇزىلماۋى ءۇشىن كۇرەسەدى. دەمەك, ولارعا جۇكتەلەر مىندەت جوعارى بولعاندىقتان, ولارعا قويىلاتىن تالاپ تا سوعان لايىق بولۋى شارت. ءتارتىپ ساقشىلارىنىڭ قاتارىندا جاۋاپكەرشىلىگى تومەن, ىسكەرلىك قابىلەتى از جاندار بولماۋى ءتيىس. ويتكەن كۇندە ايگىلى “پوليتسيا – مەنىڭ قورعانىم” ۇرانىنىڭ ءمان-ماڭىزى قاشادى. سوندىقتان دا بۇل سالاعا كانديداتتاردى قىزمەتكە العاندا وتە مۇقيات بولۋ كەرەك.
عانيبەك وتارباەۆ,
قىزىلوردا وبلىستىق ىشكى ىستەر دەپارتامەنتى باستىعىنىڭ ورىنباسارى.
