پرەزيدەنت • 15 ءساۋىر، 2019

العاشقى مەملەكەتتىك ساپار وزبەكستاننان باستالدى

925 رەت كورسەتىلدى

كەشە قازاقستان پرەزي­دەنتى قاسىم-جومارت توقاەۆ العاشقى مەملەكەتتىك ساپارمەن وزبەكستان رەسپۋبليكاسىنا كەلدى.مەملەكەت باسشىسىن تاش­كەنت اۋەجايىندا وسى ەلدىڭ پرەمەر-ءمينيسترى ابدۋللا اريپوۆ، Cىرتقى ىستەر ءمينيسترى ابدۋلازيز كاميلوۆ باستاعان دەلەگاتسيا قارسى الدى.

ساپار اياسىندا ەكى ەل پرەزي­­دەنت­تەرى ق.توقاەۆ پەن ش.مير­زيوەۆ­تىڭ شاعىن جانە كەڭەيتىلگەن قۇرامدا كەلىسسوزدەر وتكىزۋى، سون­داي-اق وزبەكستانداعى قازاقستان جىلىنىڭ اشىلۋ سالتاناتىنا قاتىسۋى جوسپارلانعان.

قازاقستان ورتالىق ازياداعى باۋىرلاس مەملەكەتتەردىڭ ءوزارا بايلانىستارىنىڭ تەك ىزگى­لىك جولىمەن ورىستەۋىنە كۇش سالىپ، ونى ءوزىنىڭ سىرتقى ساياسات­تاعى باسىمدىقتارىنىڭ ءبىرى رەتىندە قاراستىرىپ كەلەدى. قازاق­ستاننىڭ تۇڭعىش پرەزي­دەنتى – ەلباسى نۇرسۇلتان نازار­باەۆتىڭ وسى باعىتتاعى بار­لىق قادامدارى مەن باستا­مالارى ورتالىق ازيا ەل­دەرى­نىڭ ساياسي-ەكونوميكالىق بايلا­نىستارىنىڭ دامۋىنا، تاراپتار اراسىندا ءوزارا كەلىسىمنىڭ سالتانات قۇرۋىنا، كەيبىر كەزدەس­كەن تۇيتكىلدەردىڭ دەر كەزىندە وڭتايلى شەشىلۋىنە زور ىقپالىن تيگىزدى. مىنە، ءوزىنىڭ جوعارى ءنا­تي­جەسىن كورسەتكەن وسىنداي يگى­لىكتى ىستەرگە ۇيىتقى بولۋدى قازاقستان الداعى ۋاقىتتا دا جال­عاستىرا تۇسپەك. وسى وراي­­دا ەلىمىزدىڭ پرەزيدەنتى قا­سىم-جومارت توقاەۆتىڭ بۇ­عان دەيىن ەلباسى نۇرسۇلتان نازارباەۆ قالىپتاستىرعان اتال­عان ءداستۇرلى جولدى ءارى قاراي جالعاي بەرەتىنىن ءا دەگەننەن ناق­تى ىسپەن كورسەتىپ كەلە جاتقانىن ايرىقشا اتاپ وتۋگە بولادى.

ورتالىق ازيا ايماعىنداعى قاۋىپسىزدىكتى ساقتاۋدا، ساۋدا-ەكونوميكالىق بايلانىستى ءورىس­­تەتۋدە، مادەني-گۋماني­تار­لىق ىنتىماقتاستىق پەن باسقا دا سالالار بويىنشا ارىپتەس­تىك­­تىڭ تىنىسىن اشۋدا قازاق­ستان مەن وزبەكستان نەگىزگى ءرول اتقا­راتىنى تالاسسىز. بۇل ءوز كەزەگىندە ق.توقاەۆتىڭ مەم­لەكەت باسشىسى رەتىندە سىرت ەلدەرگە ەكىنشى ساپارىن وزبەك­ستانعا ارناۋىنىڭ شىن مانىندە اسا ماڭىزدى ەكەنىن اڭعارتادى.

قازاقستان مەن وزبەكستاندى تەك قازىرگى ورتاق مۇددەلەر عانا بايلانىستىرىپ وتىرعان جوق. ەكى ەلدىڭ ىنتىماقتاستىعىنىڭ نەگىزى باۋىرلاستىقتا، ورتاق تاريحتا، مادەني-رۋحاني تۇر­عىداعى جاقىندىقتا جاتىر.

ءوزارا ىنتىماقتاستىقتىڭ حالىقارالىق-قۇقىقتىق نەگىزى – 1998 جىلعى 31 قازانداعى قا­زاقستان رەسپۋبليكاسى مەن وزبەكستان رەسپۋبليكاسى ارا­سىن­داعى ماڭگىلىك دوستىق تۋرالى شارت جانە 2013 جىلعى 14 ماۋ­سىمدا بەكىتىلگەن سترا­تەگيا­لىق ارىپتەستىك تۋرالى كەلىسىم.

بىلتىر وزبەكستاننىڭ قا­زاق­ستانداعى جىلى وتە تابىستى ءوتتى. ەندى قازاقستاننىڭ وزبەكستانداعى جىلى اشىلماق. بۇل ايتۋلى شارالار ەكى ەلدىڭ سايا­سي ەرىك-جىگەرىنىڭ جوعارى ەكە­نىن كورسەتەدى. سونداي-اق ءما­دەني-رۋحاني شارالار كەڭ اۋ­قىمدى ەكىجاقتى ىنتى­ماق­­­تاستىقتى تۋىستىق، تاتۋ كور­­­­شى­لىك، ءوزارا سىيلاستىق ءۇردىس­­تەر ەرەكشەلەپ تۇرعانىن ايعاق­تاي­دى.

ايتا كەتەيىك، قازاقستاننىڭ وزبەكستانداعى جىلىنىڭ اياسىندا سىرتقى ساياسات، ساۋدا، ءما­­دە­نيەت، تۋريزم، سپورت جانە كو­لىك سالالارى بويىنشا ءبىر­قا­تار ءىس-شارالار جوسپارلانىپ وتىر. ارينە، ەلىمىزدىڭ ءوز­­بەك­­ستانداعى جىلى بارىسىندا مادەني-گۋمانيتارلىق با­عىت­تاعى باعدارلامالارعا ماڭىز بەرىلەدى.


سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار