شارانىڭ نەگىزگى ماقساتى - پوەزيا الەمىنىڭ بيىك شىڭدارىن ءوز ەركىنە باعىندىرىپ, قازاقتىڭ ءسوز ونەرىن بيىك بەلەسكە شىعارعان, قيالعا قانات سەرمەپ, ايەل تاقىرىبىن شىعارمالارىنا نەگىز ەتىپ پوەزياعا جاڭا لەپ اكەلگەن اقىن شىعارماشىلىعىن ناسيحاتتاۋ. كونتسەرتتە جاستار, اقىننىڭ «قىز ماحابباتى», «قىز ءسوزى», «شىعىستاعى ارۋ قىز», «پارسىنىڭ سۇلۋلارى», «ايەل تىلەگى», «ايەلدىڭ مونولوگى», «قىزىل تىماقتى قىز» جانە دە «قىز-عۇمىر» جىرلارىن ناقىشىنا كەلتىرە وقىدى. ونىڭ بۇل ولەڭدەرى قازاق سازگەرلەرىنىڭ نازارىنان تىس قالماي, انگە اينالدى. جاس ونەرپازداردىڭ شىرقاعان اندەرىنەن قالامگەرگە دەگەن ەرەكشە سىي-قۇرمەتتىڭ لەبى سەزىلىپ تۇرعانداي. اقىن كەشىنە جينالعان كورەرمەن ەرەكشە كوڭىل-كۇيدە تارقاستى.
ماڭعىستاۋ وبلىسى
