اتالمىش جارىس قارۋلى كۇشتەردىڭ باس شتاب باستىعىنىڭ باستاماسىمەن ۇيىمداستىرىلىپ, اسكەرلەردىڭ جاۋىنگەرلىك دايارلىق دەڭگەيىن انىقتاۋعا باعىتتالدى. جارىستا 25744 اسكەري ءبولىمىنىڭ تەڭىز جاياۋ اسكەرى باتالونىنىڭ باسقا, موتواتقىش, دەسانتتىق-شابۋىلداۋ, شابۋىلداۋ باتالوندارى باق سىنادى.
اسكەري ءبولىم كومانديرىنىڭ جاۋىنگەرلىك دايارلىق جونىندەگى ورىنباسارى گۆارديا پودپولكوۆنيگى تيمۋر سۋلايمانوۆتىڭ ايتۋى بويىنشا, بۇل ناتيجە كەشەندىك دايارلىقتىڭ ارقاسىندا, ونىڭ ىشىندە - جەكە قۇرامنىڭ ساپالى ۇيلەستىرىلۋىندە, كومانديرلەردىڭ ساپالى جۇمىس جاساۋىندا جانە جەكە قۇرامنىڭ جوعارى جاۋاپكەرشىلىگى ارقاسىندا قول جەتكىزىلدى. باتالون قۇرامىنىڭ باسىم بولىگىن مەرزىمدى قىزمەتتەگى ساربازدار قۇرادى.
جارىستىڭ باستى ماقساتى قۇرلىق اسكەرلەرىندە جالپىاسكەري جانە دەسانتتىق بولىمشەلەر اراسىندا وق اتۋ ماشىقتىعىن ارتتىرۋ, شتاتتىق قارۋ مەن قارۋ-جاراقتان وق اتۋلاردىڭ جاتتىعۋلارىن (تاپسىرمالارىن) ورىنداۋ بويىنشا ۇزدىكتەردى انىقتاۋ, تاپسىرىلعان قارۋ-جاراق پەن اسكەري تەحنيكانى شەبەر مەڭگەرۋگە جاۋاپكەرشىلىك سەزىمدەرىن وياتۋ بولدى.
بيىلعى كورسەتكىشتەر وتكەن جىلدىڭ سايىس ناتيجەلەرى قۇرلىق اسكەرلەرى بولىمشەلەرىنىڭ اتىس ماشىعىنىڭ, ءدال كوزدەۋ مەن ءدال وق اتۋدا اسكەري قىزمەتشىلەردىڭ داعدىلارىنىڭ دەڭگەيى اناعۇرلىم جوعارلاعانىن راستايتىنىن ايتا كەتۋ قاجەت.
