ال جەكە كولىگى بار اسكەري قىزمەتشىلەر اراسىندا جول كولىك ءتارتىبىن بۇزۋ جانە جولدا باسقا كولىكتەرمەن سوقتىعىسىپ قالۋ سياقتى دا جاعدايلار كەزدەسۋدە. ايىپپۇل تولەۋ, بىرەۋدىڭ كولىگىن جاساۋ جانە ءوز كولىگىن جاساۋ, ول اينالىپ كەلگەندە وتباسىلىق بيۋدجەتكە تىرەلەدى. ودان باسقا جول كولىك وقيعالارى كەزىندە جاراقات الىپ, اۋرۋحاناعا ءتۇسىپ جاتقان جاعدايلار دا جەتكىلىكتى.
وسى باعىتتار بويىنشا اتىراۋ قالالىق پوليتسيا باسقارماسىنىڭ جەرگىلىكتى پوليتسيا قىزمەتىنىڭ جول-پاترۋلدىك پوليتسيا وكىلى پودپولكوۆنيگى مەيرامبەك نۇرىشەۆتىڭ قاتىسۋىمەن «باتىس» وڭىرلىك قولباسشىلىعىنىڭ 51051, اتىراۋ وبلىستىق كىجد, 51809ە, 41433, جانە 41321 اسكەري بولىمدەرىنىڭ قىزمەتكەرلەرىنە قر اقبتك جانە قر جول ءجۇرۋ ەرەجەلەرىنىڭ نەگىزگى تالاپتارىن جەتكىزۋ بويىنشا كەزدەسۋلەر وتكىزىلۋدە.
اتىراۋدا وتكەن كونفەرەنتسيادا اسكەري پوليتسيا بولىمشەسىنىڭ وفيتسەرى ادىلەت كاپيتانى باقتيار داۋرەنقۇلوۆ اشىپ ءسوز سويلەپ «ايىپپۇلسىز جىل» اكتسياسى اسكەريلەردىڭ وتباسىنان ارتىق قاراجاتتىڭ قاجەتى جوق ايىپپۇلدى تولەۋگە جۇمسالماۋى ءتيىس دەپ حابارلادى. ول ءۇشىن اسكەري قىزمەتشىلەر وزدەرىنىڭ قۇقىقتىق تاربيەسى مەن ءتارتىبىن تۇزەپ, قۇقىقبۇزۋشىلىقتىڭ كەز-كەلگەن دەڭگەيىنە جول بەرمەۋى ءتيىستى.
اكتسيا بارىسىندا دوڭگەلەك ۇستەلدەر, ءتۇسىندىرۋ جۇمىستارى جۇرگىزىلىپ, اكىمشىلىك قۇقىق بۇزۋشىلىقتىڭ الدىن الۋ قاجەتتىلىگى, قۇقىقبۇزۋشىلىق ورىن العان جاعدايدا قىزمەتكەردىڭ جەكە باسى مەن, وتباسىلىق قارجىلىق جاعدايىنا ەداۋىر اسەر ەتەتىندىگى تۇسىندىرىلۋدە. ودان باسقا جول كولىك وقيعالارى كەزىندە جاراقات الىپ, اۋرۋحاناعا ءتۇسىپ جاتقان جاعدايلار دا جەتكىلىكتى. وسىنداي ءتۇرلى جاعدايلاردى بولدىرماۋدىڭ امالى ول ءتارتىپ بۇزباۋ. باۋىرجان مومىش ۇلى اتامىز ايتقانداي «ءتارتىپسىز ەل بولمايدى, تارتىپكە باس يگەن قۇل بولمايدى!» دەگەن ءسوزىن ۇران ەتىن ۇستانعان اسكەري پوليتسيا وكىلدەرى ءوز جۇمىستارىن ءساتتى اتقارۋدا, دەيدى كاپيتان ر.يگيسينوۆ.
