رۋحانيات • 12 ءساۋىر، 2019

«اۋىلىم – التىن تۇعىرىم» ادەبي-ونلاين كونكۋرسىنىڭ جەڭىمپازدارى ماراپاتتالدى

1079 رەت كورسەتىلدى

بۇگىن «اۋىل» حالىقتىق-دەموكراتيالىق پارتياسى مەن «ادەبيەت» پورتالى ۇيىمداستىرعان قالامگەرلەر اراسىنداعى ءداستۇرلى «اۋىلىم – التىن تۇعىرىم» ادەبي-ونلاين كونكۋرسىنىڭ جەڭىمپازدارى مەن جۇلدەگەرلەرىن ماراپاتتاۋ سالتاناتى ءوتتى. قازاق ۇلتتىق ونەر ۋنيۆەرسيتەتىندە وتكەن ءىس-شاراعا سەنات پەن ءماجىلىس دەپۋتاتتارى، ەلىمىزگە بەلگىلى اقىن-جازۋشىلار، تىلشىلەر قاتىستى.

2016 جىلدان بەرى ۇيىمداستىرىلىپ كەلە جاتقان ادەبي بايقاۋعا وسى ۋاقىت ارالىعىندا ەلىمىزدىڭ جۇزدەگەن قالامگەرى قاتىسىپ، تاڭداۋلى شىعارمالاردىڭ اۆتورلارى ءار جانر بويىنشا ءتۇرلى جۇلدەگە يە بولدى.  

تانىمال قالامگەرلەر مەن ادەبيەتتانۋشى عالىمدار قازىلىق ەتكەن ادەبي كونكۋرسقا بيىل 288 قالامگەر ءوتىنىش ءبىلدىرىپ، پوەزيا، پروزا، دراماتۋرگيا نوميناتسيالارى بويىنشا شىعارمالارىن ۇسىنعان. ونىڭ ىشىندە پروزا جانرىندا – 113، دراماتۋرگيا – 25، پوەزيا جانرى بويىنشا –150 تۋىندى كەلىپ تۇسكەن. ۇيىمداستىرۋشىلار القاسى اتاپ وتكەندەي، قازىلار جىل بويى ادەبيەت پورتالىندا ونلاين تۇردە جاريالانعان شىعارمالاردىڭ ىشىنەن ۇزدىك تۋىندىلاردى انىقتاعان. قالامگەرلەر قاۋىمى مەن «اۋىل» پارتياسى ايماقتىق وكىلدىكتەرىنىڭ وتىنىشتەرى بويىنشا 2018 جىلدان باستاپ ادەبي كونكۋرسقا ورىس ءتىلدى قالامگەرلەر دە قاتىسقانىن ايتا كەتكەن ءجون.  

«اۋىلىم-التىن تۇعىرىم» ادەبي-ونلاين كونكۋرسىندا ءار نوميناتسيا بويىنشا  ۇزدىك شىعارمالارعا جۇلدەلى ورىندار تاعايىندالعان. سونداي-اق، بيىل كونكۋرستا ەلىمىزدىڭ بەلگىلى قالامگەرلەرى باۋىرجان ۇسەنوۆ، مۇقاعالي ماقاتاەۆ، نۇرلان ماۋكەن ۇلى، تولەگەن ايبەرگەنوۆ، اقسەلەۋ سەيدىمبەك، شەرحان مۇرتازا، يۆان گلۋحوۆ، شاحمەت قۇسايىنوۆ، سافۋان شايمەردەنوۆ، قاليحان ىسقاق اتىنداعى قوسىمشا 10 ارنايى جۇلدە بەرىلدى.

«كازكونتەنت» اق اتىنان «ەسسە جازىپ ۇيرەنەيىك» نوميناتسياسىنىڭ جەڭىمپازىنا ارنايى جۇلدە قاراستىرىلعان.

كونكۋرستىڭ نەگىزگى شارتى بويىنشا جەڭىمپازدار مەن جۇلدەگەرلەر اراسىنان ەڭ ۇزدىك شىعارما اۆتورى «التىن تۇعىر» سىيلىعىمەن ماراپاتتالدى. اتالمىش جۇلدەگە قارىمدى قالامگەر  ەربولات بايات ۇلى لايىق دەپ تانىلدى.


جەڭىمپازدار ءتىزىمى:

پوەزيا

1.     قۋانىش وسپان

2.     قىزىربەك دۇرگىنباي ۇلى

3.     باعدات مۇباراك

ارنايى جۇلدە:

1.     قالاۋ سالەمەتباي ۇلى – باۋىرجان ۇسەنوۆ اتىنداعى سىيلىق –

2.     ەرناز دۋتيحان  – مۇقاعالي ماقاتاەۆ اتىنداعى سىيلىق

3.     مۇقيات قويشىباي ۇلى – نۇرلان ماۋكەن ۇلى اتىنداعى سىيلىق

4.     امانجول زاعىپار – تولەگەن ايبەرگەنوۆ اتىنداعى سىيلىق


پروزا

1.     قۇرمانجان قاسىمجان ۇلى

2.     گۇلنۇر قاسىمزادا

3.     مارعۇلان اقان

ارنايى جۇلدە

1.     باقىتبەك قادىر ۇلى  – اقسەلەۋ سەيدىمبەكوۆ اتىنداعى سىيلىق

2.     ەسبولات ايدابوسىن – شەرحان مۇرتازا اتىنداعى سىيلىق

3.     ايبول ارعىنعازينوۆ – يۆان گلۋحوۆ اتىنداعى سىيلىق


دراماتۋرگيا

1.     ەربولات بايات ۇلى

2.     يسرايىل ساپارباي

3.     الىبەك بايبول

ارنايى جۇلدە:

1.     ايگولەك ومىربەك – شاحمەت قۇسايىنوۆ اتىنداعى سىيلىق

2.     اسكەرحان اقتاي – سافۋان شايمەردەنوۆ اتىنداعى سىيلىق 

3.     توميريس بايمۇراتوۆا – قاليحان ىسقاق اتىنداعى سىيلىق


«كازكونتەنت» اق تاعايىنداعان «ەسسە جازىپ ۇيرەنەيىك» جۇلدەسى اقبوتا كەرىمبەككە بەرىلدى.


سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار