كەزدەسۋگە قاتىسۋشىلار رەسپۋبليكاداعى بارلىق حالىقارالىق نورمالار مەن ستاندارتتارعا سايكەس كەلەتىن ءادىل, اشىق سايلاۋ وتكىزۋدى قولداۋعا شاقىرعان پرەزيدەنت قاسىم-جومارت توقاەۆتىڭ باستاماسىن ءبىراۋىزدان قولدادى.
«قالانىڭ ەڭبەك ۇجىمدارىن, عىلىمي قوعامداستىقتى جانە كوپتەگەن باسقا ۇيىمداردى بىرىكتىرەتىن ەلوردانىڭ كاسىپوداقتارى كەزەكتەن تىس پرەزيدەنتتىك سايلاۋ وتكىزۋدى قولدايدى. بۇل – مەملەكەت باسشىسىنىڭ كونستيتۋتسيالىق وكىلەتتىكتەرى شەڭبەرىندەگى قوعامنىڭ ءۇمىتى جۇزەگە اسىرىلاتىن لوگيكالىق قادام. سايلاۋ ىشكى ساياسي تۇراقتىلىقتى نىعايتادى. وسىنىڭ ارقاسىندا ءبىز الداعى 5 جىلدا ەلدىڭ دامۋىنا ناقتى انىقتاما بەرەمىز », - دەدى «نۇر-سۇلتان» قالاسىنىڭ كاسىپوداق ورتالىعىنىڭ توراعاسى تاستانبەك ەسەنتاەۆ.
كەزدەسۋگە قاتىسۋشىلار قازاقستاندىقتاردى ەلباسى يدەياسى اياسىندا توپتاسۋعا
شاقىرىپ, تاڭداعان باعىتتىڭ ساباقتاستىعى مەن تۇراقتىلىعىن قولدادى.
