قىزمەتىمىز – حالىققا
سەيسەنبى, 22 مامىر 2012 7:14
ەگەمەندى ەلىمىزدىڭ تىنىشتىعىن ساقتاۋدا اقتاۋ قالاسى ىشكى ىستەر جەلىلىك ءبولىمىنىڭ قىزمەتكەرلەرى مىندەتتەرىن ابىرويمەن اتقارۋدا. اتالمىش بولىمگە قاراستى اۋماق كۇن سايىن ءجىتى باقىلانىپ, تەمىر جول كولىگىنىڭ قاۋىپسىزدىگىن قامتاماسىز ەتۋ باعىتىندا جۇيەلى جۇمىستار جۇرگىزىلەدى. جالپى, كولىكتەگى پوليتسيا قىزمەتى 1919 جىلدان بەرى جۇمىس ىستەۋدە. سونىڭ ىشىندە 1990 جىلى 3 اقپاندا قر ءىىم №025 بۇيرىعىمەن اقتاۋ قالاسىنىڭ ىشكى ىستەر جەلىلىك ءبولىمى قۇرىلعان بولاتىن. كيەلى ماڭعىستاۋدا ورىن تەپكەن اقتاۋ بەكەتى – ىڭعايلى جانە ەڭ ءتيىمدى ترانزيتتىك نىسان.
سەيسەنبى, 22 مامىر 2012 7:14
ەگەمەندى ەلىمىزدىڭ تىنىشتىعىن ساقتاۋدا اقتاۋ قالاسى ىشكى ىستەر جەلىلىك ءبولىمىنىڭ قىزمەتكەرلەرى مىندەتتەرىن ابىرويمەن اتقارۋدا. اتالمىش بولىمگە قاراستى اۋماق كۇن سايىن ءجىتى باقىلانىپ, تەمىر جول كولىگىنىڭ قاۋىپسىزدىگىن قامتاماسىز ەتۋ باعىتىندا جۇيەلى جۇمىستار جۇرگىزىلەدى. جالپى, كولىكتەگى پوليتسيا قىزمەتى 1919 جىلدان بەرى جۇمىس ىستەۋدە. سونىڭ ىشىندە 1990 جىلى 3 اقپاندا قر ءىىم №025 بۇيرىعىمەن اقتاۋ قالاسىنىڭ ىشكى ىستەر جەلىلىك ءبولىمى قۇرىلعان بولاتىن. كيەلى ماڭعىستاۋدا ورىن تەپكەن اقتاۋ بەكەتى – ىڭعايلى جانە ەڭ ءتيىمدى ترانزيتتىك نىسان.
اتالعان بەكەت اقتاۋ قالاسىنان 20 شاقىرىم قاشىقتىقتا ورنالاسقان. بۇل جەر قوعامدىق كوپشىلىك ورىن بولعاننان كەيىن مۇنداعى جاسالاتىن قىلمىستاردىڭ كوپشىلىگى دە ۇرلىق. سول سەبەپتى جولاۋشىلار جۇكتەرىنىڭ, قول جۇكتەرىنىڭ نەمەسە جەكە قۇجاتتارىنىڭ جوعالىپ كەتپەۋىن قامتاماسىز ەتۋ تىكەلەي جەلىلىك ىشكى ىستەر قىزمەتكەرلەرىنىڭ مىندەتى بولىپ تابىلادى.
بۇل ورايدا ءبىزدىڭ مىندەت – ءمىنسىز قىزمەت, – دەيدى ءبولىم باستىعىنىڭ ورىنباسارى, پوليتسيا مايورى تالعات ورپاباي ۇلى. بولىمدەگى قىزمەتكەرلەر ءوز ىستەرىن جەتىك بىلەدى. قاۋىپسىزدىك شارالارىن قامتاماسىز ەتۋ ءۇشىن قىزمەتكەرلەردىڭ بىلىكتى بولۋى عانا ەمەس, بىلەكتى بولۋى دا قاجەت. ءبىزدىڭ نەگىزگى ماقساتىمىز ستانسا اۋماعىنداعى قاۋىپسىزدىكتى ساقتاۋ بولعاندىقتان, ءبىرىنشى كەزەكتە, قىلمىستىڭ الدىن الۋ شارالارىنا ءجىتى ءمان بەرەمىز. بۇل شارالار ۆوكزال اۋماعى بويىنشا ءبىرنەشە باعىتتا جۇزەگە اسىرىلادى. ارينە, بارلىق قىلمىستىڭ الدىن الۋ مۇمكىن ەمەس. كۇش-قايراتى وسال سوعاتىن ادامعا حالىقتىڭ قاۋىپسىزدىگىن ساقتاۋدى سەنىپ تاپسىرا المايتىنىمىز ايقىن. ەگەر ول قازانى قايناعان, حالقى ساپىرىلىسقان ۆوكزال سياقتى ورىن بولسا, اڭگىمە تىپتەن باسقاشا.
سوندىقتان اپتا سايىن جەكە قۇراممەن اسكەري قىزمەتتىك جانە دەنە تاربيەسى دايىندىق ساباقتارى وتكىزىلەدى. اقتاۋ قالاسى جەلىلىك ىشكى ىستەر ءبولىمىنىڭ قىزمەتكەرلەرى سپورتتىق شارالاردا دا جەڭىس تۇعىرىنان كورىنۋدە. فۋتبول, ۆولەيبول سەكىلدى سپورت تۇرلەرىنەن وتەتىن جارىستاردا كوبىنە ايىمىز وڭىنان تۋادى. ءبىر ءسوزبەن ايتقاندا, ءبىزدىڭ قىزمەتكەرلەر نامىستى قولدان بەرمەۋگە بار كۇش-جىگەرىن سالادى.
ءبولىم قىزمەتكەرلەرىنىڭ زامان تالابىنا ساي مەملەكەتتىك تىلدە ەركىن ءىس جۇرگىزۋىنە ءجىتى ءمان بەرىلۋدە. بۇل باعىتتا دا كوپتەگەن جۇمىستار اتقارىلىپ وتىر. مادەني-سپورتتىق شارالار ۇيىمداستىرۋدا قىزمەتكەرلەردىڭ بەلسەندىلىگى باسىم. جاسىراتىنى جوق, تەمىر جول قاۋىپسىزدىگىن قامتاماسىز ەتۋ جۇمىستارى كەزىندە ءبولىم قىزمەتكەرلەرىنىڭ جەتىسپەۋشىلىگى بايقالىپ قالادى. باسپانا جاعدايى دا قىزمەتكەرلەر ءۇشىن ۇلكەن ءماسەلە. دەگەنمەن, قانداي قيىندىق كەزدەسسە دە, اقتاۋ ءىىجب قىزمەتكەرلەرى ەش مويىماي ءوز قىزمەتتەرىن قالتقىسىز اتقارۋدا.
سالتانات سمايلوۆا,
اقتاۋ ستانساسىنداعى ءىىجب كادر جۇمىسى توبىنىڭ ينسپەكتورى,
پوليتسيا لەيتەنانتى.
