الدىمەن مەملەكەت باسشىسىنا ستۋدەنتتەرگە قىزمەت ەتۋ ورتالىعى تانىستىرىلدى.
ستۋدەنتتەرگە قىزمەت ەتۋ ورتالىعىندا بارلىق ءبىلىم الۋشىلارعا قىزمەت كورسەتىلەدى. ءبىلىم الۋشىلار جانە كەلۋشىلەر تولىق اقپاراتتى ءبىر تەرەزەدەن الۋعا مۇمكىندىكتەرى بار. انىقتامالارعا جانە ترانكريپتكە تاپسىرىستى ونلاين جۇيە ارقىلى بەرە الادى. ەلەكتروندى كەزەك ارقىلى دايىن تاپسىرىستارىن الا الادى. ورتالىقتا شەتەل ءبىلىم الۋشىلاردى تىركەۋگە الىپ وقۋ ۆيزالارىن اشادى. سونىمەن قاتار, ستۋدەنتتەرگە قىزمەت كورسەتۋ ورتالىعىندا 13 مەملەكەتتىك قىزمەت كورسەتىلەدى.
ۋنيۆەرسيتەت رەكتورى بەرىك احمەتوۆ مەملەكەت باسشىسىنا ۋنيۆەرسيتەتتىڭ ينفراقۇرىلىمى جونىندە بايانداپ, ۋنيۆەرسيتەتتە ەنگىزىلىپ جاتقان جاڭا تىڭ يدەيالاردى تانىستىردى.
باياندامادان سوڭ پرەزيدەنت تەڭىز اكادەمياسىنىڭ جۇمىسىمەن تانىستى. مەملەكەت باسشىسىنىڭ نازارىنا نورۆەگيالىق Kongsberg كومپانياسىنىڭ كەمە جۇرگىزۋشىلەردى جانە كەمە مەحانيكتەرىن وقىتۋعا ارنالعان جوعارى تەحنولوگيالىق ترەناجەرلارى كورسەتىلدى. ترەناجەرلاردى جۇمىس كەزىندە ستۋدەنتتەردىڭ وزدەرى تانىستىرعان بولاتىن.
ايتا كەتەرلىك جايت, قازىرگى ۋاقىتتا Yessenov University ستۋدەنتتەرى كاسپي تەڭىز جانە وزەن كولىگى ينستيتۋتىندا تاجىريبەدەن وتۋدە. كاسپي تەڭىز جانە وزەن كولىگى ينستيتۋتى-تەڭىز, وزەن جانە ارالاس "وزەن-تەڭىز" سۋلارىندا جۇزەتىن بارلىق ۇلگىدەگى كەمەلەردە جۇمىس ىستەۋگە قۇقىعى بار سۋ كولىگى ءۇشىن ورتا جانە جوعارى كاسىبي ءبىلىمى بار ماماندار دايىندايتىن كاسپي ماڭى ماكرووڭىرىندەگى جالعىز سالالىق ءبىلىم بەرۋ كەشەنى. ستۋدەنتتەر ءىرى سالالىق كاسىپورىنداردا, سونداي-اق وزەن جانە تەڭىز فلوتىنىڭ كەمەلەرىندە پراكتيكالىق داعدىلاردى الۋعا مۇمكىندىگى بار.
ماڭعىستاۋ وبلىسى
