الماتى قالاسىندا قىتاي – ەۋروپا قاتىناسىنداعى كونتەينەرلىك پويىزدار تاسىمالىن ۇيىمداستىرۋ جونىندەگى ءتورتىنشى بىرلەسكەن جۇمىس توبىنىڭ وتىرىسى بولىپ ءوتتى. شاراعا قازاقستان, قىتاي, بەلارۋس, گەرمانيا, موڭعوليا, پولشا جانە رەسەي تەمىرجول اكىمشىلىكتەرىنىڭ وكىلدەرى قاتىستى. تاراپتار 2018 جىلداعى قىتاي-ەۋروپا باعدارى بويىنشا تاسىمالدى ۇيىمداستىرۋ جونىندەگى جۇمىس قورىتىندىسىن شىعاردى جانە اعىمداعى جىلداعى كونتەينەرلىك تاسىمالدى ۇيىمداستىرۋ جونىندەگى جۇمىس جوسپارىن تالقىلادى.
«قتج» ۇك» اق باسقار توراعاسىنىڭ ءبىرىنشى ورىنباسارى قانات الماعامبەتوۆ وتىرىس قاتىسۋشىلارىنا قىتاي-ەۋروپا-قىتاي باعىتىنداعى تاسىمال كولەمىن ارتتىرۋ بويىنشا كومپانيا قابىلداپ جاتقان شارالار تۋرالى اقپارات بەرە كەتتى.
«كونتەينەرلىك جۇكاعىنىنىڭ ارتۋى بىزدەردى تاسىمالدى ۇيىمداستىرۋدا جاڭا تەحنولوگيالاردى ىزدەۋگە ماجبۇرلەۋدە. ءبىز قازىر وپتيمالدى قۇراستىرۋ سحەماسىن قولدانا وتىرىپ كونتەينەرلىك پويىزداردى بىرىكتىرۋ ءتاسىلى بويىنشا جۇمىس ىستەۋدەمىز», دەدى ق. الماعامبەتوۆ.
شارتتى ۇزىندىعى 80 جەتەتىن جانە ودان دا كوپ ۆاگوندى ۇزىن قۇرامدى كونتەنيەرلىك پويىزدار جونەلتۋ تەحنولوگياسى ەنگىزىلدى. بۇل ۋچاسكەلەردىڭ وتكىزۋ قابىلەتىن ارتىرىپ, لوكوموتيۆ پاركى, جىلجىمالى قۇرام, ينفراقۇرىلىم الەۋەتىن ايتارلىقتاي ءتيىمدى پايدالانۋعا مۇمكىندىك بەردى.
كونتەينەرلىك اعىننىڭ نەگىزگى بولىگى قارتالى-1 مەملەكەتارالىق ءتۇيىسۋ پۋنكتى ارقىلى بالامالى باعدارلارعا قايتا باعىتتالدى, بۇل كونتەينەرلىك سەرۆيس ساپاسىنا وڭ ىقپال ەتتى.
«ءبىزدىڭ ءوزاراتيىمدى ىڭتىماقتاستىعىمىزدى ارى قاراي دامىتۋ ءۇشىن كونتەينەرلىك پويىزداردى, سونىڭ ىشىندە جۇكاعىنىنىڭ ارتۋى ءۇشىن ەڭ ءبىر وڭتايلى جاعدايلار جاسالدى», دەپ اتاپ كورسەتتى قىتاي تەمىر جولدارى باس ديرەكتورىنىڭ ورىنباسارى لي ۆەنسين.
وتىرىس قورىتىندىسى بويىنشا قىتاي – ەۋروپا قاتىناسىنداعى كونتەينەرلىك پويىزدارمەن تاسىمالداۋ جونىندەگى بىرلەسكەن جۇمىس توبىنىڭ ءراسىم ەرەجەلەرى بەكىتىلدى. قاتىسۋشىلار كليەنتتەرگە كەشەندى قىزمەت كورسەتۋ ەسەبىنەن تەمىرجول تاسىمالى تارتىمدىلىعىن ارتتىرۋ ماقساتىندا ونىمدەر مەن ساندىق سەرۆيستەردى بىرلەسە قۇرۋ جونىندەگى جۇمىستى بەلسەندىلەندىرۋگە ۋاعدالاستى.
2019 جىلدىڭ اقپانىندا «سامۇرىق-قازىنا» اق قور جانە پورتفەلدىك كومپانيالار باسشىلارىنىڭ قاتىسۋىمەن ترانسفورماتسيا باعدارلاماسىن جۇزەگە اسىرۋ جانە ولاردى دامىتۋ بويىنشا كەڭەس وتكىزىلگەندىگىن قاپەرگە سالا كەتەيىك. كەڭەسۋ بارىسىندا قور باسقارما توراعاسى احمەتجان ەسىموۆ ترانسفورماتسيا ارقىلى ءاربىر كومپانيانىڭ كىرىسىن ارتتىراتىن جاڭا قادامداردى ازىرلەۋدى تاپسىردى.
