جيىن بارىسىندا ءسوز سويلەگەن اۋدان اكىمى ب.اسانوۆ اۋداننىڭ نەگىزگى ەكونوميكاسىن اۋىل شارۋاشىلىعى قۇرايتىن بولعاندىقتان كوكتەمگى دالا جۇمىستارىن ءساتتى باستاۋ – ماڭىزدى قادام ەكەندىگىن اتاپ ءوتتى.
«بيىل اۋدانىمىزدا 35 مىڭ گەكتار جەرگە ماقتا, 4,5 مىڭ گەكتارعا ءداندى داقىل, 100 گەكتارعا كۇنباعىس, 3,2 مىڭ گەكتارعا كوكونىس, 11,5 مىڭ گەكتارعا باقشا, 6 مىڭ گەكتارعا مال ازىقتىق داقىلدارى ەگىلەدى دەپ كۇتىلۋدە. ەندىگى ماقسات - كوكتەمنىڭ ءاربىر ءساتتى كۇنىن ءتيىمدى پايدالانىپ, مامىردىڭ ورتاسىنا دەيىن شارۋالار ماقتا ءشيتىن تولىق ەگىپ ءبىتۋى ءتيىس. ەندەشە, قىرماندارىڭىزعا بەرەكە تىلەي وتىرىپ, بيىلعى كوكتەمگى دالا جۇمىستارىن اشىق دەپ جاريالايمىن» - دەدى باقىت ناسىرحان ۇلى.
جالپى اۋدان بويىنشا ەگىستىك جەر كولەمى 61 مىڭ گەكتارعا جۋىق بولسا, بيىل ونىڭ 58 مىڭ گەكتار القابىندا سور شايۋ جۇمىستارى جۇرگىزىلدى. قازىرگى تاڭدا 17 401 گەكتار القاپ تىرمالانىپ, 7 681 گەكتار القاپ چيزەلدەنگەن. سونىمەن قاتار, ەرتە ەگىلگەن كوكونىس كولەمى 342 گەكتارعا, ءداندى داقىلدار 127 گەكتارعا, باقشا 4 311,5 گەكتارعا, ءجۇزىم 5 گەكتارعا جەتتى. جالپى ەگىلگەن ەگىستىڭ كولەمى 5 590,5 گەكتارعا جەتتى, ياعني ەگىلۋى ءتيىس القاپتىڭ 9,7 پايىزىن قۇراپ وتىر.
ماقتالى ولكەنىڭ نەگىزگى داقىلى «اق التىن» بولسا, 2019 جىلعا ماقتانى ەگۋ ءۇشىن 760 توننا تۇقىمدىق شيت دايىندالدى. باعالارى 240-350 تەڭگە ارالعىندا ساتىلۋدا. وڭتۇستىك-باتىس مال جانە وسىمدىك شارۋاشىلىعى عىلىمي-زەرتتەۋ ينستيتۋتىنان الىنعان 2019 جىلعى اۋىل شارۋاشىلىعى داقىلدارىنىڭ وڭتايلى ەگۋ مەرزىمدەرى جونىندەگى ۇسىنىسىنا سايكەس, ماقتا داقىلىنىڭ ءتيىمدى ەگۋ مەرزىمى 20 ءساۋىر مەن 25 مامىر ارالىعىن قۇراپ وتىر.
كوكتەمگى دالا جۇمىستارى ءۇشىن 954 اۋىل شارۋاشىلىعى تراكتورلارى, 415 چيزەل, 3 876 تىرما, 212 تۇقىم سەپكىش تەحنيكالارى ساقاداي ساي تۇر. ول ءۇشىن شارۋالارىمىز سوڭعى 3 ايدىڭ وزىندە 139,3 ملن تەنگەگە ليزينگكە جانە ءوز قارجىلارىنا 15 دانا جاڭا تەحنيكا العان.
كوكتەمگى دالا جۇمىستارىن جۇرگىزۋگە 4م160 توننا جانار جاعارماي ءبولىنىپ, «Sapali Munai» جشس-ءى ارقىلى 2 925 توننا, «Alem Munai inves» جشس-ءى ارقىلى 1 235 توننا تاراتىلۋدا.
ايتا كەتەيىك, «ىرىس» ميكرو قارجى ۇيىمى ارقىلى كوكتەمگى دالا جۇمىستارىنا 1-ءشى كەزەكپەن 184,170 ملن تەڭگە 92 شارۋاشىلىققا, 2-ءشى كەزەكپەن 37,390 ملن تەڭگە 18 شارۋاشىلىققا قاراجات بەرىلدى. سونداي-اق, 3-ءشى كەزەكپەن 48 شارۋاعا 72 ملن تەڭگە كولەمىندە قۇجاتتار دايىندالۋدا.
