ەكسپوزيتسيادا بەلگىلى كەڭەستىك جانە قازاقستاندىق عارىشكەرلەردىڭ فوتوسۋرەتتەرى, عارىشقا ۇشۋلار تۋرالى ەسكى گازەتتەردىڭ ماتەريالدارى, جەردىڭ العاشقى جاساندى سەرىگىنىڭ ماكەتى قويىلعان. فيلاتەليست ۆالەري سەمەنوۆ يۋري گاگاريننىڭ العاشقى ۇشۋىنا ارنالعان ماركالاردىڭ بىرەگەي توپتاماسىن ۇسىندى. كورمەنى العاشقى بولىپ استانالىق مەكتەپ وقۋشىلارى مەن جوو ستۋدەنتتەرى تاماشالادى.
«عارىشكەرلەر كۇنى قارساڭىندا ءبىز عارىش تۋرالى قىزىقتى ەكسپوزيتسيانى ۇسىندىق. مۇندا گازەتتەردىڭ تۇپنۇسقالىق دانالارىن, جەكە دەرەككوزدەردەن الىنعان فوتوسۋرەتتەردى, ءتۇرلى كورنەكى ماتەريالداردى, پوشتا ماركالارىن جانە ت.ب. كورۋگە بولادى. الداعى ۋاقىتتا ءبىز مۇراعات قۇجاتتارىنىڭ كورمەسىن وتكىزۋدى جانە وعان جاس ۇرپاقتى تارتۋدى جوسپارلاپ وتىرمىز. وسىلايشا, ءبىز ەل تاريحىنىڭ بارلىق قىرلىلىعى مەن اسەمدىگىن كورسەتكىمىز كەلەدى», – دەپ اتاپ ءوتتى استانالىق مەملەكەتتىك مۇراعاتىنىڭ ديرەكتورى مەيرام بەكتەمباەۆ.
ەكسپوزيتسيانى «قازاقستان عارىش ساپارى» ۇك اق قولداۋىمەن نۇر-سۇلتان قالاسىنىڭ مەملەكەتتىك مۇراعاتى ۇيىمداستىردى. قالانىڭ مەملەكەتتىك مۇراعاتىنداعى كورمە 13 ساۋىرگە دەيىن جۇمىس ىستەيدى.
