بۇل كۇنى ۆيتسە-پرەمەر بىرقاتار الەۋمەتتىك جانە ونەركاسىپتىك نىسانداردى ارالادى. اتاپ ايتقاندا, گ.ابدىقالىقوۆا م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە ستۋدەنتتەرمەن كەزدەسۋ وتكىزدى, وندا مەملەكەتتىك جاستار ساياساتىنىڭ نەگىزگى باعىتتارى, سونداي-اق جاستار جىلى اياسىنداعى ءىس-شارالاردىڭ جۇزەگە اسىرىلۋ بارىسى تالقىلاندى.
گ. ابدىقالىقوۆانىڭ كەلەسى باعىتى «وڭتۇستىك» اەا بولدى, وندا ول جاڭا تەحنولوگيالار بويىنشا ءوندىرۋ ش ۇلىق, كىلەم بۇيىمدارىن جانە اياق كيىم ونىمدەرىن شىعاراتىن «الەم بت» جشس, «LuxShoes» بك, «بال تەكستيل» وندىرىستىك كاسىپورىندارىنىڭ جۇمىسىمەن تانىستى. 1 ساۋىردەگى جاعداي بويىنشا اەا اۋماعىندا جالپى سوماسى 29,5 ملرد.تەڭگەگە 13 جوبا ىسكە اسىرىلىپ, 1396 جۇمىس ورنى اشىلدى, ونىڭ ىشىندە 1227 كوپ بالالى جانە از قامتىلعان وتباسىلار ءۇشىن.
ودان كەيىن ۆيتسە-پرەمەر «قاينار» بيزنەس ورتالىعىندا اۋدان اكىمدەرىمەن, ءىرى كاسىپورىنداردىڭ, بيزنەس-قۇرىلىمداردىڭ جانە كاسىپوداق ۇيىمدارىنىڭ باسشىلارىمەن الەۋمەتتىك ارىپتەستىك پەن الەۋمەتتىك جاۋاپكەرشىلىكتى دامىتۋ ماسەلەلەرى بويىنشا جيىن وتكىزدى.
ءىس-شارادا گۇلشارا ابدىقالىقوۆا ەلباسىنىڭ سوزىنەن ەلىمىزدىڭ الەۋمەتتىك-باعدارلى مەملەكەت رەتىندە دامۋى باسىمدىققا يە ەكەنىن اتاپ ءوتتى. الەۋمەتتىك ماسىلدىققا جول بەرۋگە بولمايدى. ول بيزنەس-قوعامداستىقتاردى از قامتىلعان قىزمەتكەرلەرگە بەلسەندى كومەك كورسەتۋگە, جەرگىلىكتى جەردە ولاردىڭ وزەكتى ماسەلەلەرىن شەشۋگە شاقىردى.
ساپار اياسىندا پرەمەر-ءمينيستردىڭ ورىنباسارى قالالىق اۋماقتىق الەۋمەتتىك قىزمەت كورسەتۋ ورتالىعىنىڭ جۇمىسىمەن تانىستى. مۇندا قىزمەت الۋشىلاردىڭ جەكە قاجەتتىلىكتەرىن, ولاردىڭ الەۋمەتتەنۋىن, قورشاعان ورتاعا بەيىمدەلۋىن ەسكەرە وتىرىپ, رۋحاني-تانىمدىق, ەمدەۋ-تۇزەتۋ جۇمىستارىن جۇرگىزۋ ارقىلى ارناۋلى الەۋمەتتىك قىزمەتتەر كورسەتىلەدى. جىل سايىن 300 ادام وڭالتۋ قىزمەتىن الادى.
سونىمەن قاتار, گ. ابدىقالىقوۆا «سامعاۋ سەنىم» ورتالىعىندا بولدى, وندا قاتىگەزدىكپەن قاراۋ سالدارىنان ومىرلىك قيىن جاعدايدا جۇرگەن ادامدار مەن وتباسىلارعا, تۇرمىستىق زورلىق-زومبىلىق پەن ادام ساۋداسىنىڭ قۇرباندارىنا كومەك كورسەتىلەدى. بۇگىنگى تاڭدا, بۇل جەردەن 227 ادام ارنايى الەۋمەتتىك قىزمەت الدى.
ۆيتسە-پرەمەر قالالىق جۇمىسپەن قامتۋ ورتالىعىنىڭ جۇمىسىن تەكسەردى. جىل باسىنان مەكەمە 5810 ازاماتقا قىزمەت كورسەتكەن. تۇراقتى جۇمىسقا 2437 ادام ورنالاستىرىلعان. بۇگىنگى كۇنى 5430 بوس جۇمىس ورنى بار.
سونداي-اق, پرەمەر-ءمينيستردىڭ ورىنباسارى از قامتاماسىز ەتىلگەن وتباسىنا بارىپ, ولاردىڭ ءومىر ءسۇرۋ جاعدايىمەن تانىسىپ, ولاردى قىزىقتىراتىن الەۋمەتتىك سيپاتتاعى سۇراقتارعا جاۋاپ بەردى.
جۇمىس ساپارىنىڭ سوڭعى شاراسى گۇلشارا ابدىقالىقوۆا وتكىزگەن ازاماتتاردى جەكە قابىلداۋ بولدى. اتاپ ايتقاندا, 5 جاس بالانى تاربيەلەپ وتىرعان كوپ بالالى انا ءازيزا مامانازاروۆانىڭ تۇرعىن ءۇي ماسەلەسى شەشىلدى. مامىر ايىندا ول كوپتەن كۇتكەن پاتەرگە يە بولادى.
كۇن سوڭىندا ۇكىمەتتىك دەلەگاتسيا جامبىل وبلىسىنا جولعا شىقتى.
