نۇر-سۇلتان قالاسىنىڭ ءبىلىم باسقارماسى باسشىسىنىڭ ورىنباسارى ەلوردادا 1-4 سىنىپ وقۋشىلارى تەگىن ىستىق تاماقپەن تولىقتاي قامتاماسىز ەتىلگەنىن ايتتى.
«سونىمەن قاتار, 5 – 11 سىنىپ ارالىعىنداعى جەكەلەگەن كاتەگورياعا جاتاتىن بالالار ىستىق تاماقپەن قامتاماسىز ەتىلگەن. بۇدان وزگە, بارلىق مەكتەپتە اتا-انالار ەسەبىنەن تاماقپەن قامتۋ ۇيىمداستىرىلعان. 2019 جىلعى قىركۇيەكتەن باستاپ نۇر-سۇلتان قالاسىنىڭ اكىمى ب. سۇلتانوۆتىڭ باستاماسىمەن كوپ بالالى وتباسىلاردان شىققان بالالاردى دا تەگىن ىستىق تاماقپەن قامتاماسىز ەتۋدى كوزدەپ وتىرمىز», — دەدى د. جەكەباەۆ.
سونداي-اق, سپيكەر وقۋشىلاردىڭ اتا-انالارى مەكتەپ تاماعىن باقىلاۋعا قاتىسا الاتىنىن جانە مەكتەپتىڭ براكەراجدىق كوميسسياسىنىڭ مۇشەسى بولا الاتىنىن ايتتى. وعان مۇشە بولۋ ءۇشىن مەكتەپ باسشىلىعىنا جۇگىنۋ كەرەك.
«كوميسسياعا كەم دەگەندە 10 اتا-انا, الەۋمەتتىك پەداگوگ جانە مەكتەپتىڭ مەديتسينا قىزمەتكەرى كىرەدى. ولار اسحاناعا كىرىپ, ازىق-ت ۇلىك ساپاسىن تەكسەرەدى, تاعام ازىرلەۋ ساپاسىن باقىلايدى, ولشەيدى جانە اس مازىرىنە سايكەس قانشا بولۋى كەرەك ەكەنىن تەكسەرەدى. كوميسسيا مۇشەلەرى بارلىق ازىق-ت ۇلىك ونىمىنە ءتيىستى قۇجاتتى تالاپ ەتە الادى. تاماقتان ۋلانۋدىڭ الدىن الىپ, ساپاسىن تەكسەرۋ ءۇشىن ءاربىر ءونىمنىڭ سەرتيفيكاتى بولۋى ءتيىس», — دەدى د. جەكەباەۆ.
سونىمەن قاتار, بيىلعى 1 قىركۇيەكتەن باستاپ ەلوردانىڭ بارلىق مەكتەبى بەينەباقىلاۋمەن قامتاماسىز ەتىلەدى, ولار تەك اسحانالاردا عانا ەمەس, سونداي-اق تاماقتار تىكەلەي دايىندالىپ جاتقان ىستىق تسەحتا تا ورناتىلادى.
«2019 جىلدان باستاپ اتالعان جۇمىستى جەڭىلدەتۋ ماقساتىندا ءبىز 30 مەكتەپتە بەينەكامەرالاردى ورناتتىق, 1 قىركۇيەككە قاراي قالانىڭ بارلىق مەكتەپتەرىن قامتۋ كوزدەلگەن. كەيبىر مەكتەپتەردە ءموبيلدى قوسىمشالار جۇمىس ىستەيدى, اتا-انالار بالانى تاڭەرتەڭ مەكتەپكە اكەلگەن كەزدە تاماقتىڭ دايىندالۋ پروتسەسىن باقىلاي الادى. براكەراجدىق كوميسسيا ەندىگى بەينەباقىلاۋ ارقىلى تەكسەرىس جاساي الادى», — دەدى ەلوردانىڭ ءبىلىم باسقارماسى باسشىسىنىڭ ورىنباسارى.
ول, سونداي-اق, مەكتەپتەردە تاماقتانۋ ساپاسىن تاعى باسقا كوميسسيا — ءبىلىم باسقارماسىنىڭ بۇيرىعىمەن قۇرىلعان قالالىق ۆەدومستۆوارالىق ساراپشىلار توبى تەكسەرەتىنىن ايتتى. كوميسسيا قۇرامىنا ءتۇرلى ۆەدومستۆولاردىڭ وكىلدەرى كىرەدى. بۇل — دەپۋتاتتار, ۇكىمەتتىك ەمەس ۇيىمدار, اتا-انالار جۇرتشىلىعى.
«بۇل توپ تاڭداۋلى تۇردە مەكتەپتەرگە بارالى. ۆەدومستۆوارالىق ساراپشىلار توبى مەكتەپتەردە العاشقى كوڭىل بولەتىن جاعداي – براكەراجدىق مەكتەپ كوميسسياسىنىڭ جۇمىسى, ەسەپ قۇجاتتاماسىن جۇرگىزۋ, وقۋشىلاردىڭ تاماقتانۋ رەجيمى, ەكولوگيالىق تازا اۋىز سۋمەن قامتىلۋ, تاماقتانۋ راتسيونى بىرىڭعاي ستاندارتتار مەن سانيتارلىق تالاپتارعا ساي كەلىپ-كەلمەيتىنىن تەكسەرەدى. ايتا كەتەرلىك جايت, تاماق دايىندالاتىن بولمەگە تەك سانيتارلىق كىتاپشاسى بار ادامدار عانا كىرە الادى», — دەپ ءتۇسىندىردى د. جەكەباەۆ.
باقىلاۋدىڭ ءۇشىنشى ورگانى — قوعامدىق دەنساۋلىق ساقتاۋ دەپارتامەنتى. ەگەر باستاپقى ەكى ورگان نەگىزىنەن باقىلاۋ فۋنكتسيالارىن ورىنداسا, قوعامدىق دەنساۋلىق ساقتاۋ دەپارتامەنتى تەك سانيتارلىق ەرەجەلەردىڭ بۇزىلعانى انىقتالعان جاعدايدا عانا جۇمىسقا كىرىسەدى. دەپارتامەنت وكىلدەرى تەكسەرىپ, ايىپپۇل سانكتسياسىن جازىپ, اكىمشىلىك جاۋاپكەرشىلىككە تارتا الادى.
