«ءبىزدىڭ كوماندامىز پاريج ماڭىنداعى وليمپيادالىق بازادا دايىندالۋ ۇستىندە. توعىز كۇندىك جيىنعا فرانتسيا قۇراماسىنىڭ باس باپكەرى يان بايلون جەتەكشىلىك ەتەدى. فرانتسۋزدار بۇل جيىنعا ەڭ مىقتى سپورتشىلارىن قوسىپ وتىر. الەم چەمپيونى ستەۆەن دا كوستا, كەندجي گريللون, الەكساندرا رەچيالار دا وسىندا. فرانتسيا تاراپى بارلىق شىعىندى كوتەرىپ, ۇشىپ كەلۋ مەن جاتىن ورىن, تاماق ماسەلەسىن وزدەرى شەشۋدە. بۇل ءبىز ءۇشىن ۇلكەن مارتەبە», - دەيدى باس باپكەر.
كاراتەدەن فرانتسيا قۇراماسى ەۋروپاداعى ەڭ ۇلكەن كوماندالاردىڭ ءبىرى سانالادى. مۇندا 200 مىڭعا جۋىق ادام سپورتتىڭ وسى تۇرىنە دەن قويعان جانە فرانتسۋز سپورتشىلارى الەمدىك رەيتينگتە جوعارى ورىنداردا تۇر.
«بۇل جيىننىڭ ماروككوداعى پرەمەر-ليگا ءتۋرنيرى قارساڭىندا ءوتۋى ءبىز ءۇشىن ماڭىزدى. ويتكەنى, راباتتا وتەتىن تۋرنيردەن باستاپ سپورتشىلاردىڭ جيعان ۇپايى 100 پايىز وليمپيادالىق رەيتينگكە ەنەدى. ال وسىنداي ءىرى باسەكەگە الەمنىڭ مىقتى كومانداسىمەن بىرگە جاتتىعۋ سپورتشىلاردىڭ كۇشىنە كۇش قوسارى ءسوزسىز. ءبىز تاتاميدە ءجيى كەزدەسەمىز. بىردە فرانتسۋزدار جەڭسە, ەندى بىردە ءبىزدىڭ سپورتشىلار باسىمدىق تانىتادى. ولاردىڭ سپاررينگتىك كەزدەسۋگە قازاقستاندىق كاراتەشىلەردى تاڭداۋى تەگىن ەمەس. ءبىزدىڭ سپورتشىلاردىڭ بولاشاعى الدا ەكەنىن بايقاپ وتىر, بۇل قۋانتادى», - دەيدى جاستالاپ ساناۋوۆ.
فرانتسياداعى جيىنعا دارحان ءاسادىلوۆ پەن گۋزاليا گافۋروۆا باستاعان سپورتشىلار قاتىسۋدا.
