سەميناردىڭ باستى تاقىرىبى – تىيىم سالىنعان سۋبستانتسيالار, ءدارى-دارمەكتى تەكسەرۋ تاسىلدەرى جانە سىناما الۋ ەرەجەلەرى.
«اتالعان سەمينار اياسىندا 2019 جىلى ەنگىزىلگەن دوپينگكە قارسى ەرەجەلەر مەن وزگەرىستەر تۋرالى ايتتىم. سپورتشىلار مەن باپكەرلەر دوپينگ قابىلداعانداردى جاۋاپكەرشىلىككە تارتاتىن قر زاڭ جوباسىنىڭ قارالىپ جاتقانىنان حاباردار بولدى. بۇكىلالەمدىك دوپينگكە قارسى ۇيىمنىڭ نازارىنداعى بوكسشىلارمەن ادامس ونلاين-جۇيەسىندەگى جۇمىستىڭ ەرەكشەلىگى تۋرالى سويلەستىك. بۇل جولى بارلىق باپكەرلەر قوسىنى مەن 43 سپورتشى ءدارىس تىڭدادى. مۇنداي سەمينارلار ءجيى وتكىزىلىپ تۇرادى, ويتكەنى, ءبىز دوپينگكە دەگەن نولدىك توزىمدىلىك باعىتىن ۇستانامىز», - دەيدى عاليا ءبىلالوۆا.
