«مەديتسينالىق قىزمەت كورسەتۋ ساپاسىن جاقسارتۋ, پاتسيەنتتەرمەن كەرى بايلانىس ورناتۋ ماقساتىندا, دەنساۋلىق ساقتاۋعا قاتىستى تۋىنداعان ماسەلەلەردى شەشۋ ءۇشىن اپتا سايىن سەيسەنبى كۇنى ساعات 11:00-دەن 13:00-گە دەيىن مەديتسينالىق ۇيىمدار باس دارىگەرلەرىنىڭ ازاماتتاردى بىرىڭعاي قابىلداۋى ۇيىمداستىرىلدى», – دەپ مالىمدەدى ەلوردالىق قوعامدىق دەنساۋلىق ساقتاۋ باسقارماسىندا.
ازاماتتاردى تولىق قابىلداۋ كەستەسى اكىمدىكتىڭ سايتىندا جاريالانعان.
تىزىمدە قالالىق اۋرۋحانالار, ەمحانالار, پەريناتالدىق ورتالىقتار, ديسپانسەرلەر, مەديتسينالىق ورتالىقتار جانە ت.ب بار.
قوعامدىق دەنساۋلىق ساقتاۋ باسقارماسىنىڭ باسشىسى دا تۇرعىنداردى اپتا سايىن سارسەنبى كۇنى ساعات 17:00-دەن 19:00-گە دەيىن قابىلدايدى. 55-69-85 ءنومىرى بويىنشا الدىن الا جازىلۋعا بولادى.
