ول كەلتىرگەن دەرەكتەرگە قاراعاندا بىلتىر دارىگەرگە قارالعان ءار مىڭ بالانىڭ 36,6 پروتسەنتى كوز اۋرۋىنا شالدىقسا, 13,8 پروتسەنتىندە جۇيكە-پسيحيكالىق دەرتى كەزدەسكەن. ال, 12,9 پروتسەنتىنىڭ ومىرتقا جوتاسىنىڭ قيسايعانى, 8,2 پروتسەنتىندە اسقازان-ىشەك جولى اۋرۋلارى بايقالعان.
بايانداماشى ونىڭ سەبەپتەرىن دە تارقاتىپ بەردى.كەي مەكتەپتەردە كارىز جۇيەسى, سۋ ماسەلەلەرى تۇبەگەيلى شەشىلمەگەن. وقۋشىلاردىڭ جاسى مەن بويىنا سايكەس كەلەتىن جيھازبەن تولىق قامتىلماعان. وڭىردەگى 480 مەكتەپتىڭ جارتىسى عانا ورتالىقتاندىرىلعان سۋ جۇيەسىنە قوسىلعان. 209 ءبىلىم ورداسىنا اۋىز سۋ تاسىپ جەتكىزىلەدى. 84 مەكتەپتە دارەتحانا دالادا ورنالاسقان. سپورت زالدارى م.جۇماباەۆ اۋدانىنىڭ 6 مەكتەبىندە, تايىنشا اۋدانىنىڭ 8 مەكتەبىندە جوق. سپورت قۇرالدارى كوپتەن بەرى جاڭالانباعان.
دەپارتامەنت باسشىسى ادام تاڭقالارلىق فاكتىلەردى دە مىسالعا كەلتىردى. اتاپ ايتقاندا, سانيتارلىق-گيگيەنالىق تازالىقتىڭ تومەندىگىنەن جانە قوعامدىق مونشالاردىڭ جەتىمسىزدىگىنەن پەديكۋلەزدىڭ ازايماي وتىرعانى الاڭداتادى. ال تۋبەركۋلەزدى جۇقتىرۋعانداردىڭ سانى 4,5 پروتسەنتكە ازايعانىنا قاراماستان رەسپۋبليكا بويىنشا الدىڭعى ورىندا تۇر. مەديتسينالىق قىزمەت ساپاسىنىڭ تومەندىگىنە بايلانىستى جولداناتىن ارىز-شاعىمدار ازايار ەمەس
سونداي-اق اۋىل وقۋشىلارىن ىستىق تاماقپەن, ساپالى تىرشىلىك نارىمەن قامتاماسىز ەتۋدە دە تۇيتكىلدى ماسەلەلەر جەتىپ ارتىلادى.
