ونىڭ بۇل مالىمدەمەسى ءدال ءوز ۋاقىتىندا جاسالعان ورىندى شەشىم بولدى. سەبەبى ترانزيتتىك بيلىكتىڭ ءبىر جارىم جىلعا سوزىلۋى مۇمكىن ەمەس. ونىڭ سالدارى قيىن جاعدايلارعا اكەلەدى. سوندىقتان كەزەكتەن تىس سايلاۋ وتكىزۋ تۋرالى شەشىم وتە ماڭىزدى.
قازىرگى ەلىمىزدەگى جاعدايدى سىرتتان باقىلاپ وتىرعان كورشىلەس ەلدەر كوپ. قازاقستاندا بۇدان ءارى قانداي ساياسات ورىن الار ەكەن, الەۋمەتتىك-ەكونوميكالىق تۇراقتىلىق ساقتالا ما دەگەن سىندى ويلار ولاردى بەي-جاي قالدىرمايدى. وسىنداي ساتتە ناقتى زاڭناما جۇزىندە اشىق ءتۇردە پرەزيدەنت سايلاۋىن كەزەكتەن تىس وتكىزۋ وتە قاجەتتى ءىس. پرەزيدەنت كوپتەگەن ەلدەرمەن ەكىجاقتى شارتتار مەن كەلىسسوزدەر جۇرگىزەدى. سول سەكىلدى ىشكى مəسەلەلەردە دە تىكەلەي پرەزيدەنتتىڭ شەشىمىن كۇتەتىن ماڭىزدى مəسەلەلەر كوپ. وسىنىڭ ءبəرىن شەشۋدە ۋاقىتشا تۇلعاعا دەگەن سەنىم بەرىك بولمايدى. سوندىقتان ول حالىق مانداتىن تولىق الۋى كەرەك. ول ءۇشىن, əرينە, جالپىحالىقتىق سايلاۋدا كوپشىلىك داۋىسپەن جەڭىپ شىققانى دۇرىس. سايلاۋدا جەڭگەن پرەزيدەنتتىڭ وكىلدىگى تولىققاندى بولادى. پرەزيدەنت قاسىم-جومارت توقاەۆ اتاپ وتكەندەي, سايلاۋ تازا, اشىق ءəرى ءəدىل وتەدى. نəتيجەسىندە پرەزيدەنت حالىقتىڭ سەنىمدى مانداتىنا يە بولادى.
گۇلميرا يسيمباەۆا,
پارلامەنت ءماجىلىسى توراعاسىنىڭ ورىنباسارى
