سپورتتىق ءىس-شارانىڭ نەگىزگى دەمەۋشىسى - BI Group قۇرىلىس حولدينگى. قاتىسۋ ءۇشىن تىركەۋدەن جينالعان بارلىق قاراجات «BI جۇلدىزاي» قايىرىمدىلىق قورىنا بتسپ دياگنوزى بار بالالاردى ەمدەۋ جانە وڭالتۋعا جۇمسالاتىن بولادى.
BI Marathon وتكىزۋدىڭ ءداستۇرلى ۋاقىتى كەزدەيسوق تاڭدالعان جوق. مامىر ايىنىڭ سوڭىنا قاراي جۇگىرۋشىلەردە قاجەتتى شاقىرىمدى باعىندىرۋعا جانە مۇقيات دايىندالۋعا ۋاقىت جەتكىلىكتى.
وسى جىلى جۇگىرۋگە تىركەلۋ 16 جەلتوقساندا باستالعان بولاتىن. قازىرگى تاڭدا وليمپيادا چەمپيونى سەرىك ساپيەۆ مارافونعا قاتىساتىنىن راستادى. سونداي-اق, جەڭىل اتلەتيكا فەدەراتسياسىنىڭ وكىلدەرىمەن كەلىسسوزدەر جۇرگىزىلۋدە. سونىمەن قاتار, ولاردىڭ اراسىندا الەم چەمپيوناتىنا قاتىسۋشىلار, ارتىستەر مەن انشىلەر بار.
«تىركەۋ تولىق ءجۇرىپ جاتىر. بۇگىن 4 مىڭعا جۋىق ادام تىركەلگەن. جەلاياقتاردىڭ قايدان كەلەتىنىن بولجاۋ قيىن, سەبەبى تىركەلۋ ونلاين رەجيمىندە جۇرۋدە. بىراق وتكەن جىلداردىڭ تاجىريبەسىنە سۇيەنە وتىرىپ, سپورتشىلار الەمنىڭ 22-دەن استام ەلىنەن, سونىڭ ىشىندە كورشى رەسەي, قىرعىزستان, وزبەكستان, سونداي-اق گەرمانيا, اۆستريا, بەلگيا, اقش, دانيا جانە يندونەزيا ەلدەرىنەن كەلگەن بولاتىن», - دەدى مارافوننىڭ سپورت ديرەكتورى الەكسەي سيدورەنكو.
الايدا بيىل ۇيىمداستىرۋشىلار جۇگىرىس باعىتىن وزگەرتتى. ەگەر العاشقى ءۇش جىلدا قاتىسۋشىلار ساياباق پەن ەسىل وزەنىنىڭ جاعالاۋىنان جۇگىرىپ وتسە, وندا قازىرگى تاڭدا ساياباقتان شىعۋ, قالانىڭ 4 كوشەسى جانە ەسىل جاعالاۋىمەن جۇگىرۋ باعىتى بەكەتتە تۇر. مارە - ساياباقتىڭ ترياتلون ورتالىعى.
