بۇگىن باقىت سۇلتانوۆتىڭ توراعالىعىمەن وتكەن اكىمدىكتەگى كەزەكتى وتىرىستا قالا تىرشىلىگىنىڭ ماڭىزدى ماسەلەلەرى تالقىلاندى. جيىندا كوتەرىلگەن ماسەلەلەردىڭ ەڭ نەگىزگىسى ازىق-ت ۇلىك باعاسىن تۇراقتاندىرۋ تاقىرىبىنا ارنالدى.
«مەن سىزدەرگە الەۋمەتتىك ماڭىزى بار ازىق-ت ۇلىك تاۋارلارىنىڭ تىزىمىنە ەنبەگەن ازىق-ت ۇلىك باعالارىنىڭ ەكونوميكالىق تالداۋىن زەردەلەۋدى جانە ولاردى تومەندەتۋ جونىندە ناقتى ۇسىنىستار ەنگىزۋدى تاپسىردىم. وسى ماسەلە بويىنشا جۇمىستى باستادىڭىزدار ما؟» – دەپ سۇرادى قالا اكىمى ءوزىنىڭ ورىنباسارى ماليكا بەكتۇروۆادان.
«مامىر ايىندا وڭتۇستىك وڭىرلەردەن جاڭا پىسكەن كوكونىستەر مەن جەمىستەردى جەتكىزۋ باستالادى. بۇل ماسەلەنى بازارمەن ءارى تاسىمالداۋشىلارمەن الدىن الا پىسىقتاپ, قاجەت بولسا, مينيسترلىكتەردى, وڭتۇستىك ايماقتاردىڭ اكىمدىكتەرىن قوسىڭىز. سونداي-اق, باعانى ماۋسىمدىق كوتەرۋ شىڭىندا تۇراقتاندىرۋ قورىنىڭ (كارتوپ, ءسابىز, ۇن) جۇمىسىن جانداندىرۋدى تاپسىرامىن», – دەدى اكىم.
ءوز كەزەگىندە م.بەكتۇروۆا كەيبىر كوكونىستەر مەن الەۋمەتتىك ماڭىزى بار ازىق-ت ۇلىكتەرگە باعانى تۇراقتاندىرۋ تۋرالى شارت تالاپتارىن دايىنداۋ بويىنشا ءىرى گيپەرماركەتپەن كەلىسسوزدەر جۇرگىزىلگەنىن حابارلادى. ەلوردانىڭ ازىق-ت ۇلىك بەلدەۋىن دامىتۋ ماقساتىندا AQMOL دۇكەندەر جەلىسى كەڭەيتىلۋدە. ءساۋىر ايىنىڭ سوڭىنا دەيىن تاعى ءبىر دۇكەن اشىلادى دەپ كۇتىلۋدە.
قازىر قالادا وسىنداي بەس دۇكەن جۇمىس ىستەيدى. مۇنداعى باعالار نارىقتىق باعادان 15%-عا تومەن. الەۋمەتتىك ماڭىزى بار ونىمدەردىڭ توعىز ءتۇرى وسىندا ساتىلادى. وسى اپتادا استانا اكك مەن AQMOL دۇكەندەرى جەلىسى جەڭىلدەتىلگەن قارىز بەرۋ جونىندەگى شارتقا قول قويادى دەپ كۇتىلۋدە. «قازىر تۇراقتاندىرۋ قورىندا ۇن, قانت, كۇرىش, قاراقۇمىق, كارتوپ, ءسابىز بار. قازىرگى ۋاقىتتا «1000 ورىن - كوشە ساۋداسى» باعدارلاماسى اياسىندا تۇراقتاندىرۋ قورىنىڭ ونىمدەرىن ساتۋعا قاتىستى دايىندىق جۇمىستارىن جۇرگىزۋدەمىز. وسى ايدان باستاپ تۇراقتاندىرۋ قورىنىڭ ونىمدەرى وسى جەلى ارقىلى ساتىلاتىن بولادى. دۇكەندەردە ناننىڭ باعاسى 75-80 تەڭگەدەن اسپايدى. باعانىڭ وسۋىنە جول بەرمەۋ ماقساتىندا ناۋبايحانالار مەن ۇن تارتاتىن كاسىپورىندارمەن مەموراندۋمعا قول قويامىز», – دەدى م.بەكتۇروۆا.
ونىڭ ايتۋىنشا, مامىر ايىندا قالالىق جارمەڭكەلەر ءوز جۇمىسىن باستايدى.
بۇدان ءارى جەرگىلىكتى بيۋدجەتتىڭ ورىندالۋ بارىسى تۋرالى اكىم ورىنباسارى اسقار امرين باياندادى. ونىڭ ايتۋىنشا, شىعىندار بويىنشا بيۋدجەت 98%-عا يگەرىلدى.
وتىرىستا سالىق تۇسىمدەرى بويىنشا جوسپاردى جۇزەگە اسىرۋ جونىندە قالالىق دەپارتامەنت باسشىسى باۋىرجان اينابەكوۆ ەسەپ بەردى.
باقىت سۇلتانوۆ بۇعان دەيىن سالالار مەن كاسىپورىندار بويىنشا كامەرالدىق باقىلاۋ جوسپارىن ازىرلەۋ تۋرالى تاپسىرما بەرىلگەنىن ەسكە سالدى. وسىعان بايلانىستى اينابەكوۆكە سالالار مەن كاسىپورىندار بولىنىسىندە كامەرالدىق باقىلاۋ جوسپارىن ۇسىنۋ, قولما-قول اقشاسىز ەسەپ ايىرىسۋ ءۇشىن كاسسالىق اپپاراتتار مەن تەرمينالداردى ورناتۋ بويىنشا شوب-پەن جۇمىس جۇرگىزۋ تاپسىرىلدى. سونىمەن قاتار, اكىمنىڭ ورىنباسارى م.بەكتۇروۆاعا مەملەكەتتىك كىرىس دەپارتامەنتىمەن, اۋدان اكىمدەرىمەن بىرلەسە وتىرىپ, شوب-ءتىڭ زاڭسىز نىساندارى بويىنشا جۇمىستار جۇرگىزۋ جۇكتەلدى.
قورشاعان ورتانى قورعاۋ جانە تابيعاتتى پايدالانۋ باسقارماسىنىڭ باسشىسى مۇسا تاناباەۆ قالانىڭ 2018-2020 جىلدارعا ارنالعان قورشاعان ورتانى ساۋىقتىرۋ جونىندەگى كەشەندى ءىس-شارالار جوسپارىنىڭ ورىندالۋى تۋرالى باياندادى.
اكىم قالانىڭ سانيتارلىق جاعدايى سىن كوتەرمەيتىنىن تىلگە تيەك ەتتى.
«ءموبيلدى توپ اينالا ءجۇرىپ, زاڭسىز كاسىپكەرلىك قىزمەتتى انىقتادى. شوب نىساندارىنىڭ ساۋلەتتىك كەلبەتى, تاماقتانۋ نىساندارىنىڭ سانيتارلىق جاعدايى نورمالارعا سايكەس كەلمەيدى. اۋدان اكىمدەرى ءار نىسانعا ءوز اياعىمەن بارىپ, جاعدايدىڭ ءمان-جايىن تەكسەرىپ, ناتيجە شىعارۋى كەرەك», – دەپ اتاپ ءوتتى ول.
سونىمەن قاتار, باقىت سۇلتانوۆ ساۋدا نىساندارى اراسىندا الدىن الۋ شارالارىن وتكىزۋدى, بۇزۋشىلىقتاردى انىقتاۋدى جانە ولاردى جويۋ بويىنشا شۇعىل شارالار قابىلداۋدى تاپسىردى.
كەڭەستە سىرتقى جارناما ماتىندەرىن ورنالاستىرۋ جانە ولاردى ءتيىمدى پايدالانۋ ماسەلەلەرى دە تالقىلاندى.
