«قازاقستان پرەزيدەنتى قاسىم-جومارت توقاەۆتىڭ ۇندەۋىن تىڭداپ, ونى تەاتر ۇجىمىندا تالقىلاۋعا كىرىستىك. ارينە, مەن سايلاۋدى قولدايمىن. ءبىزدىڭ تاريحىمىزدىڭ ماڭىزدى ساتىندە بۇكىل الەم قازاقستاندا ساياسي وزگەرىستەردى بايقاپ وتىر. ولاردى وزگەرىستەردىڭ وركەنيەتتى جانە دەموكراتيالىق جولمەن ءجۇرىپ جاتقانى قۋانتادى. كەزەكتەن تىس سايلاۋ وتكىزۋ تۋرالى شەشىم دۇرىس قابىلداندى, ساياسي پارتيالارمەن, قوعامدىق ۇيىمدارمەن, مەملەكەتتىك جانە قوعام قايراتكەرلەرىمەن تالقىلاندى.
ەندى, 9 ماۋسىمدا, حالىق ءوز تاڭداۋىن جاسايدى دەگەن ويدامىن. مەنىڭ ويىمشا, ءبىزدىڭ ەلىمىزدىڭ حالقى بۇعان دايىن. جەكە ءوزىم سايلاۋعا قۋانا بارامىن, ال ءبىزدىڭ تەاتر ۇجىمى مەنى قولدايدى دەگەن ويدامىن».
