«قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ۇندەۋىن تىڭدادىق. بۇل شەشىم - بۇگىنگى تاڭدا ماڭىزدى ءارى قاجەتتى دەپ ايتار ەدىم. مەملەكەت باسشىسى اتاپ وتكەندەي, ءبىز وزگەرىسى قىم-قۋىت ءارى جىلدام الەمدە ءومىر ءسۇرىپ جاتىرمىز. وزگەرىستەر پروتسەسى وتە تەز بولىپ جاتىر. سول سەبەپتى, قازاقستاندا ءاردايىم وزىندىك ساياسي جىگەر مەن الەۋمەتتىك وپتيميزم بولۋى كەرەك. بۇل رەتتە كەز كەلگەن مەملەكەتتىڭ ساياسي جۇيەنىڭ ەۆوليۋتسياسى - زاڭدى پروتسەسس. ءبىزدىڭ قازاقستاندا ترانزيتتىك كەزەڭ تۇراقتىلىق پەن قوعامدىق كەلىسىم كەزەڭىندە وتەر دەپ ەسەپتەيمىز», دەدى ەرلان سايروۆ.
ەسكە سالا كەتەيىك, 2019 جىلدىڭ 9 ماۋسىمىندا ەلىمىزدە كەزەكتەن تىس پرەزيدەنتتىك سايلاۋ وتەدى. بۇل تۋرالى بۇگىن رەسپۋبليكالىق تەلەارنالاردان قازاقستان حالقىنا ۇندەۋ جاريالاعان مەملەكەت باسشىسى قاسىم-جومارت توقاەۆ ايتتى.
