نۇر-سۇلتان قالاسىندا 12-14 ساۋىردە XVIII حالىقارالىق «Yeleu cup» فۋتزال ءتۋرنيرى وتەدى. شارا «سايران ارەنا» سپورت كەشەنىندە قازاقستان فۋتبول فەدەراتسياسى (قكف), استانا فۋتبول فەدەراتسياسى (افف) جانە قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن وتكىزىلمەك.
قازىرگى تاڭدا بۇل – قازاقستاننىڭ ەڭ ۇزدىك جارىستارىنىڭ ءبىرى. بۇل جارىسقا رۋدنىي, اكتاۋ, اقتوبە, پەتروپاۆل, كوكشەتاۋ, ورال, الماتى, شىمكەنت, سەمەي, نۇر-سۇلتان قالالارىنان, سونداي-اق رەسەي مەن قىرعىزستاننىڭ نەگىزگى ليگالارىنان 300-گە جۋىق سپورتشى قاتىسادى دەپ كۇتىلۋدە.
اتالمىش تۋرنير 2002 جىلدان بەرى ءداستۇرلى تۇردە ءوتىپ كەلەدى. ەڭ العاشقى جارىسقا اقمولا قالاسىنىڭ قۇرامالارى عانا قاتىسقان بولاتىن. ءار جىل سايىن جارىستىڭ دەڭگەيى كوتەرىلىپ, ادامداردىڭ دا قىزىعۋشىلىعى ارتىپ كەلەدى.
