اكىم ۇستالدى
جۇما, 20 ءساۋىر 2012 7:32
وبلىس بويىنشا ەكونوميكالىق جانە سىبايلاس جەمقورلىققا قارسى كۇرەس دەپارتامەنتىنە ا. دەگەن ازامات كەلىپ بايزاق اۋدانى, قىزىلجۇلدىز اۋىلدىق وكرۋگىنىڭ اكىمى شوڭوۆتىڭ 500 اقش دوللارى كولەمىندە اقشا تالاپ ەتكەنى جونىندە شاعىمداندى. شاعىم بويىنشا كۇدىكتىنى باقىلاۋعا العان قارجى پوليتسياسى قىزمەتكەرلەرى سول كۇنى اۋىل اكىمى شوڭوۆتىڭ شىن مانىندە ا. دەگەن ازاماتتان 200 اقش دوللارىن العانىن دالەلدەيتىن دايەكتەردى بەينەجازباعا ءتۇسىردى.
«دانىككەننەن قۇنىققان جامان» دەگەن پاراقور اكىم قالعان 300 اقش دوللارىن كەلەسى كۇنى تۋرا اكىمشىلىك ءۇيىنىڭ قاسىندا قالتاسىنا باسىپ جاتقاندا قولعا ءتۇسىپ, قاماۋعا الىندى. ەندى ول كاسىپكەرلىكپەن اينالىسۋ ءۇشىن جەر تەلىمىن سۇراعان قاراپايىم ازاماتتان پارا تالاپ ەتكەنى ءۇشىن جاۋاپ بەرەدى.
ءامىر الىمحودجاەۆ, ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنىڭ ءباسپاسوز حاتشىسى.
جامبىل وبلىسى.
