«جالپى العاندا, 2019-2021 جىلدار ارالىعىندا مەتسەناتتار, دەمەۋشىلەر جانە جەكە ينۆەستورلار ەسەبىنەن 1 772 وتباسى, ونىڭ ىشىندە 2019 جىلى 750 وتباسى قامتاماسىز ەتىلەدى», دەدى مينيستر.
بەردىبەك ساپارباەۆ ءوڭىر اكىمدەرى وسى تاجىريبەنى وزدەرىندە دە ەنگىزە الاتىنىن ايتتى.
«1 178 ءىرى جانە ورتا كاسىپورىنداردا كوپ بالالى اتا-انالار قاتارىنان 23,3 مىڭ ادام جۇمىس ىستەيتىنىن اتاپ وتكەن ءجون. ونىڭ ىشىندە 15 مىڭعا جۋىعىنىڭ جەكە تۇرعىن ءۇيى جوق. بۇل پروبلەما مەملەكەتتىك ورگاندار مەن بيزنەس قۇرىلىمداردىڭ بىرلەسكەن كۇشىمەن شەشىلۋگە ءتيىس دەپ ەسەپتەيمىن».
سونىمەن قاتار, ءسوز سوڭىندا كوپبالالى جانە از قامتىلعان وتباسىلاردى قولداۋ ماقساتىندا ەڭبەك مينيسترلىگىنە, مۇددەلى مەملەكەتتىك ورگاندارعا, «اتامەكەن» ۇلتتىق كاسىپكەرلەر پالاتاسىنا اعىمداعى جىلعى ءساۋىر ايىنىڭ سوڭىنا دەيىن بيزنەستىڭ الەۋمەتتىك جاۋاپكەرشىلىگى جونىندە رەسپۋبليكالىق كەڭەس وتكىزۋدى ۇسىندى.
