«65 ەكونوميكالىق قىزمەت تۇرىنەن 365 تاۋارلىق پوزيتسيا ايقىندالدى. بۇل كرەديتتەر «بيزنەستىڭ جول كارتاسى-2020» ارقىلى سۋبسيديالانادى. ماقۇلدانعان 6 جوبا بويىنشا دامۋ قورى 4,4 ملرد تەڭگەگە سۋبسيديالاندىرۋ شارتتارىن جاسادى», دەدى مينيستر.
ونىڭ ايتۋىنشا, قازىرگى كەزگە 283 ملرد. تەڭگە كرەديت ءسوماسىنا 282 وتىنىم دايىندالۋ ساتىسىندا.
«ەكىنشى دەڭگەيدەگى بانكتەر قاراۋىندا 17 ملرد. تەڭگەگە 52 ءوتىنىم. سونىمەن بىرگە بيزنەستى قارجىلاندىرۋعا قولجەتىمدىلىكتى ارتتىرۋ ۇشىن بىرقاتار شارالار پىسىقتالۋدا:
1.«قاراپايىم زاتتار ەكونوميكاسى» كرەديتتەۋىنىڭ ينۆەستيتسيالار مەن اينالىم قاراجاتى اراسىنداعى اراقاتىناسىن قايتا قاراۋ;
2. «بيزنەستىڭ جول كارتاسى-2020» ارقىلى «قاراپايىم زاتتار ەكونوميكاسىن» كەپىلدەندىرۋ قۇرالىن ەنگىزۋ;
3. «بيزنەستىڭ جول كارتاسى-2020» قارجىلاندىرۋىن ارتتىرۋ».
مينيستر ءوز سوزىندە اكىمدىكتەردىڭ ءوڭىر ەكونوميكاسىن دامىتۋدا ىنتالى بولۋى ءتيىس ەكەنىن ايتتى.
«اكىمدىكتەر وڭىرلەردىڭ ەكونوميكاسىن دامىتۋعا مۇددەلى بولۋى ءتيىس. سوندىقتان جەرگىلىكتى اتقارۋشى ورگاندار مەملەكەتتىك قولداۋ شارالارىن بىرلەسىپ قارجىلاندىرۋى قاجەت», دەدى رۋسلان دالەنوۆ.
