كەدەنشىگە دە كاسىبيلىك قاجەت

بەيسەنبى, 19 ءساۋىر 2012 7:52

قازاقستان الەم ەلدەرىنىڭ بار­لىعىمەن دەرلىك ىسكەرلىك باي­لا­نىس جاسايدى. ەلىمىزدەن ەكس­پورت­قا شىعارىلاتىن تاۋارلار قاتارى كوبەيدى. سوعان وراي يم­پورت­تىق تاۋارلار تۇتىنۋشى سۇ­رانىسىنا ساي ەلىمىزگە اعىلا تۇسۋدە. ال قازاقستانعا ىسكەرلىك بايلانىسپەن, تۋريستىك ساپارلارمەن كەلەتىن شەتەلدىكتەردىڭ شو­عى­رى دا جىل سايىن كوبەيۋدە. ەل اۋماعىمەن ەۋروپادان رەسەيگە, ورتالىق ازيا ەلدەرىنە باراتىن تران­زيتتى جولاۋشىلار جانە بار. سول شەتەلدىكتەردى ەلىمىزدىڭ شە­كا­راسىنان الدىمەن كەدەنشىلەر قارسى الادى. ەلىمىزدەن شەتەلگە شىعاتىن, ال شەت مەملەكەتتەردەن قازاقستانعا كەلەتىن شەتەل­دىك­تەردىڭ قۇجاتتارىن تەكسەرىپ, «قازاقستانعا حوش كەلدىڭىز!» دەيتىن دە الدىمەن وسى كەدەنشىلەر.

بەيسەنبى, 19 ءساۋىر 2012 7:52

قازاقستان الەم ەلدەرىنىڭ بار­لىعىمەن دەرلىك ىسكەرلىك باي­لا­نىس جاسايدى. ەلىمىزدەن ەكس­پورت­قا شىعارىلاتىن تاۋارلار قاتارى كوبەيدى. سوعان وراي يم­پورت­تىق تاۋارلار تۇتىنۋشى سۇ­رانىسىنا ساي ەلىمىزگە اعىلا تۇسۋدە. ال قازاقستانعا ىسكەرلىك بايلانىسپەن, تۋريستىك ساپارلارمەن كەلەتىن شەتەلدىكتەردىڭ شو­عى­رى دا جىل سايىن كوبەيۋدە. ەل اۋماعىمەن ەۋروپادان رەسەيگە, ورتالىق ازيا ەلدەرىنە باراتىن تران­زيتتى جولاۋشىلار جانە بار. سول شەتەلدىكتەردى ەلىمىزدىڭ شە­كا­راسىنان الدىمەن كەدەنشىلەر قارسى الادى. ەلىمىزدەن شەتەلگە شىعاتىن, ال شەت مەملەكەتتەردەن قازاقستانعا كەلەتىن شەتەل­دىك­تەردىڭ قۇجاتتارىن تەكسەرىپ, «قازاقستانعا حوش كەلدىڭىز!» دەيتىن دە الدىمەن وسى كەدەنشىلەر.

سول سەبەپتەن, كەدەنشىگە دە قاي كەزدە دە كاسىبي تۇرعىدان بىلىكتىلىك قاجەت. ءوزىنىڭ اتقاراتىن جۇمىسىنا جاۋاپكەرشىلىكپەن قا­رايتىن ءار كەدەنشىنىڭ بىلىكتىلىگىن ارتتىرا تۇسۋىنە كەزەكتەن تىس وتە­تىن اتتەستاتتاۋدىڭ وڭ سەپتىگى تيەدى دەپ ەسەپتەيمىن. قازاقستان كە­دەن­شىلەرىنىڭ, سونىڭ ىشىندە اتى­راۋ وبلىسىندا كەدەندىك رەسىمدەۋ قۇجاتتارىن جۇرگىزەتىن كەدەنشى-ارىپتەستەرىمنىڭ بىلىكتىلىك دەڭ­گەيى­نىڭ جوعارى ەكەندىگىنە سەنىمدىمىن. ويتكەنى, ءبىزدىڭ وڭىردە كەدەندىك باقىلاۋ سالاسىنىڭ باس­تاۋى ەلىمىز كسرو قۇرامىندا بول­عان سوناۋ 1989 جىلدان باستالادى. سودان بەرگى كەزەڭدە اتىراۋ كە­دەن­شىلەرىنىڭ وزىندىك مەكتەبى قا­لىپتاستى. اتىراۋ وبلىستىق كەدەندىك باقىلاۋ دەپارتامەنتىنەن ءتا­جىريبەلى كەدەنشىلەر ءوسىپ شىق­تى. ءبىزدىڭ دەپارتامەنتكە جەتەكشىلىك ەتكەن تاجىريبەلى كەدەنشىلەرگە كەدەندىك باقىلاۋ اگەنتتىگىن باسقارۋ جاۋاپكەرشىلىگى جۇك­تەل­گەنىن ماقتانىش ەتەمىز.

اتىراۋ كەدەنشىلەرى ۇدايى ۇلتتىق ەكونوميكامىزدىڭ ەكو­نو­مي­كالىق, ەكولوگيالىق قاۋىپ­سىز­دىگىن قامتاماسىز ەتىپ كەلەدى. ماسەلەن, بيىلعى ءبىرىنشى توق­سان­دا كەدەندىك ەرجەلەردى بۇزۋ­دىڭ 24 فاكتىسىن انىقتادى. مۇ­نىڭ ىشىندە اكىمشىلىك قۇقىق بۇ­زۋشىلىقتىڭ 11 فاكتىسى بار. ال كونتراباندالىق زاڭ بۇزۋشى­لىق­قا بايلانىستى 4 قىلمىستىق ءىس قوزعالدى. جيىرما جىلدان استام مەرزىمدە ەلىمىزدىڭ باتىس­تا­عى شەبىن كەدەندىك قۇقىق بۇ­زۋ­شىلىقتان قورعاپ كەلە جاتقان اتىراۋلىق كەدەنشىلەر ءۇشىن دە كەزەكتەن تىس وتەتىن اتتەستاتتاۋ بارىسىندا ءار كەدەنشىنىڭ ەل زاڭ­دارىن قانشالىقتى بىلەتىندىگىمەن شەكتەلمەي, ادامدارمەن قا­رىم-قاتىناس جاساۋ مادەنيەتىنە كوڭىل اۋدارىلاتىنىنىڭ ءتيىمدى تۇستارى جەتەرلىك. سونىمەن بىرگە, قازاقستان, رەسەي جانە بەلارۋس ەلدەرىنىڭ كەدەن وداعىنا بىرىگۋىنىڭ ينتەگراتسيالىق ماڭى­زىن دا كەدەنشى-ارىپتەستەرىم جەتە تۇسىنەدى. قازىرگى قوعامنىڭ دا­مۋىنا وراي كەدەنشىلەردىڭ شەت تىلدەرىن مەڭگەرۋىنىڭ ماڭى­زى ايرىقشا ەكەنىن بىلەمىز. قورىتا ايتقاندا, تاۋەلسىز قازاقستاننىڭ ۇلتتىق ەكونوميكاسىن كونترا­بان­دالىق قىلمىستاردان قور­عاي­تىن كەدەنشىلەر دە كەزەكتەن تىس اتتەستاتتاۋدى ماڭىزدى قادام دەپ سانايدى.

ايسۇلۋ تەلەۋىشەۆا. اتىراۋ وبلىستىق كەدەندىك باقىلاۋ دەپارتامەنتى ۇيىمداستىرۋشىلىق جۇمىس جانە باقىلاۋ ءبولىمىنىڭ باستىعى.

اتىراۋ وبلىسى.