جالپى, رەسپۋبليكا بويىنشا 2019 جىلدىڭ 5 ساۋىرىنە 34 699 سالىق تولەۋشى بيۋدجەتكە 2018 جىلدىڭ 1 قازانىندا بولعان جالپى سوماسى 7,7 ملرد تەڭگە قۇرايتىن نەگىزگى قارىزىن تولەگەن.
بۇل سالىق تولەۋشىلەر بويىنشا 2 ملرد تەڭگە ءوسىمپۇل جانە 230,0 ملن.تەڭگە ايىپپۇل ەسەپتەن شىعارىلاتىن بولادى.
بۇگىنگى كۇنى 11 953 سالىق تولەۋشى بويىنشا 1 ملرد. تەڭگە سوماسىندا ءوسىمپۇلدار, جەتى سالىق تولەۋشى بويىنشا 582,4 مىڭ تەڭگە سوماسىندا ايىپپۇل ەسەپتەن شىعارىلدى.
2019 جىلدىڭ 1 قاڭتارىنان باستاپ شاعىن جانە ورتا بيزنەس سۋبەكتىلەرى ءۇشىن سالىقتىق راقىمشىلىقتى جۇرگىزۋدى قاراستىراتىن زاڭ كۇشىنە ەنگەنى بەلگىلى. ال 2019 جىلدىڭ 8 اقپانىنان باستاپ بەرەسىنى تولەگەن جاعدايدا ءوسىمپۇل مەن ايىپپۇل سوماسىن ەسەپتەن شىعارۋ قاعيدالارى قولدانىسقا ەنگەن بولاتىن.
الدىن-الا دەرەكتەر بويىنشا 2018 جىلعى 1 قازانداعى جاعدايعا سايكەس 340,6 ملرد تەڭگە سالىق بەرەشەگى بار 90 077 شاعىن جانە ورتا بيزنەس سۋبەكتىلەرى (31 210 زاڭدى تۇلعالار جانە 58 867 دارا كاسىپكەرلەر) راحىمشىلىققا جاتاتىنىن ەستەرىڭىزگە سالامىز.
بۇل رەتتە, شاعىن جانە ورتا بيزنەس سۋبەكتىلەرىنىڭ مەملەكەتتىك كىرىستەر ورگاندارىنا بارۋدىڭ قاجەتى جوق: ءوسىمپۇلدار مەن ايىپپۇلدار سالىق تولەۋشىنىڭ ءوتىنىشىنسىز ەسەپتەن شىعارىلادى. وڭالتۋ راسىمىندەگى جانە سالىقتار بويىنشا تولەۋ مەرزىمىن ۇزارتقان سالىق تولەۋشىلەرگە قاتىستى راحىمشىلىق قولدانۋدىڭ ءتارتىبى باسقاشا.
سونداي-اق, قازىرگى ۋاقىتتا نەگىزگى قارىزىن تولەگەن جاعدايدا ەەسپتەلگەن ءوسىمپۇلدى ەسەپتەن شىعارۋ جولىمەن جەكە تۇلعالار ءۇشىن سالىق راحىمشىلىعىن وتكىزۋ بويىنشا مەملەكەت باسشىسىنىڭ تاپسىرماسىن ورىنداۋ ماقساتىندا, مەملەكەتتىك كىرىستەر ورگاندارىمەن ازىرلەنگەن قر زاڭنامالىق اكتىلەرىنە تۇزەتۋلەر, مۇددەلى مەملەكەتتىك ورگاندارىمەن كەلىسىلىپ, قر ۇكىمەتىنىڭ قاراۋىنا ەنگىزىلدى.
