كادرلىق الەۋەتتىڭ دەڭگەيى ارتادى
سەنبى, 14 ءساۋىر 2012 7:43
مەملەكەتتىك قۇرىلىستىڭ تۇراقتىلىعى مەن قاۋىپسىزدىگىن قامتاماسىز ەتۋ ەل دامۋىنىڭ بارلىق كەزەڭىندە اسا جاۋاپتى ءىس. بۇل ورايدا, مەملەكەت باسشىسى جۇرگىزىپ وتىرعان قۇقىق قورعاۋ جۇيەسىن رەفورمالاۋ وسى ماقساتتىڭ ماڭىزدىلىعىن ايقىندايدى. قازاقستان رەسپۋبليكاسىنىڭ پرەزيدەنتى ن.نازارباەۆتىڭ بيىلعى جولداۋىندا قويىلعان مىندەتتەردى ىسكە اسىرۋ شەڭبەرىندە, ەلباسىنىڭ كۇنى كەشەگى «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىعى بۇل تۇرعىداعى شەشۋشى قادامداردىڭ باستالعانىن بىلدىرەدى. ەندەشە پوليتسيا قىزمەتكەرلەرىنىڭ عانا ەمەس, بۇكىل قوعام ءمۇشەلەرىنىڭ كوڭىلىنەن شىققان قۇجات سالالىق وزگەرىستەرگە سەرپىندىلىك اكەلەتىنى ءسوزسىز.
سەنبى, 14 ءساۋىر 2012 7:43
مەملەكەتتىك قۇرىلىستىڭ تۇراقتىلىعى مەن قاۋىپسىزدىگىن قامتاماسىز ەتۋ ەل دامۋىنىڭ بارلىق كەزەڭىندە اسا جاۋاپتى ءىس. بۇل ورايدا, مەملەكەت باسشىسى جۇرگىزىپ وتىرعان قۇقىق قورعاۋ جۇيەسىن رەفورمالاۋ وسى ماقساتتىڭ ماڭىزدىلىعىن ايقىندايدى. قازاقستان رەسپۋبليكاسىنىڭ پرەزيدەنتى ن.نازارباەۆتىڭ بيىلعى جولداۋىندا قويىلعان مىندەتتەردى ىسكە اسىرۋ شەڭبەرىندە, ەلباسىنىڭ كۇنى كەشەگى «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىعى بۇل تۇرعىداعى شەشۋشى قادامداردىڭ باستالعانىن بىلدىرەدى. ەندەشە پوليتسيا قىزمەتكەرلەرىنىڭ عانا ەمەس, بۇكىل قوعام ءمۇشەلەرىنىڭ كوڭىلىنەن شىققان قۇجات سالالىق وزگەرىستەرگە سەرپىندىلىك اكەلەتىنى ءسوزسىز.
مىنە, سوعان وراي, بۇل كۇندەرى اقمولا وبلىستىق ىشكى ىستەر دەپارتامەنتىنىڭ كادرلىق قىزمەتى قاۋىرت جۇمىستار قۇشاعىندا. بارلىق قۇرىلىمدىق جۇيەلەردە جارلىق ءماتىنى مەن ەرەجەلەرىن ءتۇسىندىرۋ, ونى جۇزەگە اسىرۋ بويىنشا جۇمىس ورگاندارى قۇرىلدى. قازىر دەپارتامەنت شتاتىندا ءۇش مىڭنان استام ادام بار. كادرلاردى ىرىكتەۋ جۇيەسىن جەتىلدىرۋ, ولاردى ورنالاستىرۋ, جەكە قۇرامدى وقىتۋ مەن قايتا دايارلىقتان وتكىزۋ, اينالىپ كەلگەندە, ساپالىق قۇرامدى قامتاماسىز ەتۋ كۇن تارتىبىنەن تۇسپەيتىن ءداستۇرلى ءىسىمىز. وسى ورايدا, جىل ىشىندە قاتارىمىزعا 114 جاس قىزمەتكەر قوسىلعانىن, تاعى دا 25 كۋرسانتتى ارنايى جولدامامەن كۇتىپ وتىرعانىمىزدى ايتقىم كەلەدى. ياعني, قاتارىمىز جىل ساناپ جاسارا تۇسۋدە.
پوليتسيا قاتارىنا كونكۋرستىق تارتىپپەن قابىلداۋ بىزگە ەركىن ىرىكتەۋ مۇمكىندىگىن بەرىپ وتىر. ال باسشى قۇرامعا 200-دەن استام قىزمەتكەر ۇمىتكەر رەتىندە تىركەلگەن. ولار كاسىبي جانە ۇيىمداستىرۋشىلىق قابىلەتىمەن تانىلعان جاندار. سونداي-اق, بىزگە دەپارتامەنتتەگى ارداگەرلەر كەڭەسى, وفيتسەرلىك جانە پوليتسيالىق جينالىستار كەزەكتەن تىس اتتەستاتتاۋدان وتكىزۋدە ۇلكەن كومەكشى بولاتىنىنا سەنەمىز. بۇل بەلسەندى قوعامدىق ۇيىمدار بىلتىر 123 وفيتسەرلىك جانە 112 پوليتسيالىق جيىنداردى وتكىزۋگە ۇيتقى بولدى. وندا قىزمەتتىك-اسكەري ءتارتىپتى بۇزۋعا قاتىستى 114 تارتىپتىك ماسەلە قارالىپ, 45 قىزمەتكەر اكىمشىلىك جاۋاپكەرشىلىككە تارتىلدى. ىشكى ىستەر دەپارتامەنتىندەگى ءتارتىپتىك كەڭەستىڭ 14 ءماجىلىسىندە 23 ماسەلە قارالىپ, سىبايلاستىق كورىنىستەگى ارەكەتتەرى ءۇشىن 8 ادام قىزمەتىنەن بوساتىلدى. وسى مىسالداردىڭ ءوزى ەلباسى جارلىعىنا ساي وتكىزىلەتىن كەزەكتەن تىس اتتەستاتتاۋ تالاپ دەڭگەيىندە جۇرگىزىلەتىنىن كورسەتەدى.
مەيرام ابىكەەۆ, اقمولا وبلىستىق ءىىد باستىعىنىڭ ورىنباسارى, پوليتسيا پولكوۆنيگى.
كوكشەتاۋ.
