قىزمەتكە ادالدىق
سەنبى, 14 ءساۋىر 2012 7:37
قۇقىق قورعاۋ سالاسىندا اتتەستاتسيا جۇرگىزۋ ەڭ بىلىكتى مامانداردى دارالايتىندىعى ءسوزسىز. ال ونداي جاندار قازىردىڭ وزىندە ارامىزدا ايقىندالىپ جۇرگەنى بەلگىلى. ماسەلەن, اقتاۋ ستانساسىنداعى ىشكى ىستەر جەلىلىك ءبولىمىنىڭ كوشى-قون پوليتسيا توبىندا جالعىز عانا ايەل ءتارتىپ ساقشىسى بار. ول – ءتۇبەككە كەلىپ-كەتىپ جۇرگەن شەتەلدىكتەردىڭ اياق الىسىن باقىلاپ, زاڭ بۇزعانداردى انىقتايتىن اعا ينسپەكتور, پوليتسيا مايورى گۇلسىم قالدىباەۆا. قاراماعىنداعى ءۇش ينسپەكتورمەن ءبىرلەسە جۇمىس ىستەپ, بيىل جىل باسىنان بەرى كوشى-قون زاڭناماسىن بۇزعان 52 فاكتىنى تىركەدى.
سەنبى, 14 ءساۋىر 2012 7:37
قۇقىق قورعاۋ سالاسىندا اتتەستاتسيا جۇرگىزۋ ەڭ بىلىكتى مامانداردى دارالايتىندىعى ءسوزسىز. ال ونداي جاندار قازىردىڭ وزىندە ارامىزدا ايقىندالىپ جۇرگەنى بەلگىلى. ماسەلەن, اقتاۋ ستانساسىنداعى ىشكى ىستەر جەلىلىك ءبولىمىنىڭ كوشى-قون پوليتسيا توبىندا جالعىز عانا ايەل ءتارتىپ ساقشىسى بار. ول – ءتۇبەككە كەلىپ-كەتىپ جۇرگەن شەتەلدىكتەردىڭ اياق الىسىن باقىلاپ, زاڭ بۇزعانداردى انىقتايتىن اعا ينسپەكتور, پوليتسيا مايورى گۇلسىم قالدىباەۆا. قاراماعىنداعى ءۇش ينسپەكتورمەن ءبىرلەسە جۇمىس ىستەپ, بيىل جىل باسىنان بەرى كوشى-قون زاڭناماسىن بۇزعان 52 فاكتىنى تىركەدى.
ءوزى ەجەلگى قازاق دالاسى ورىنبوردا تۋىپ, اقتوبە ءوڭىرىندە ءوسىپ, ءبىلىم الىپ, ەڭبەك جولىن باستاعان. ىشكى ىستەر جەلىلىك بولىمىندەگى قىزمەتىن 2001 جىلى ورالدا كادر ءبولىمىنىڭ اعا ينسپەكتورى رەتىندە باستاپتى. نەگىزگى ماماندىعى ەكونوميست-ۇيىمداستىرۋشى بولا تۇرا, تەمىردەي ءتارتىپ پەن قىراعىلىق, قاشاندا توتەنشە جاعدايلارعا ساقاداي ساي بولۋدى تالاپ ەتەتىن بۇگىنگى قىزمەتىنە كەلگەنىنە ەش وكىنىشى جوق. «ومىرىمە قاۋىپ توندىرەتىندەي جاعدايلار مەنىڭ باسىمنان وتكەن ەمەس, قۇدايعا شۇكىر. بىراق ءبىز ماماندىعىمىزعا ساي ءوزىمىزدى جانە وزگەلەردى قورعاۋ ءۇشىن قاشاندا دايىندىق ۇستىندە جۇرەمىز. ءماسەلەن, ايىنا ءبىر رەت تير-عا بارىپ تاپانشا اتۋعا جاتتىعامىز. جەتىسىنە ءبىر رەت ماڭعىستاۋ سەلوسىنداعى, اقتاۋ قالاسىنداعى سپورت كەشەندەرىنە بارىپ, دەنە شىنىقتىرۋمەن اينالىسامىز. قاشاندا قىزمەتىمىزگە ساي ۇنەمى شيراق, سەرگەك ءجۇرۋ ءۇشىن مۇنىڭ ءبارى دە قاجەت. سونداي-اق ءبىلىم جەتىلدىرۋ, كودەكستەر مەن نورماتيۆتىك قۇقىقتارعا ەنگىزىلگەن وزگەرىستەر تۋرالى دا حاباردار بولىپ, ونى وزىمىزگە جازىپ قويىپ وتىرامىز. بۇل ەرتەڭگى اتتەستاتسيالاۋ كەزىندە قاجەت بولادى», – دەيدى اعا ينسپەكتور. بەينەۋگە, بولاشاق ستانسالارىنا دەيىن جولاۋشىلار پويىزدارىنا تەكسەرۋ جۇرگىزەتىن اعا ينسپەكتور حالىقپەن جۇمىس ىستەۋ ءارى قىزىقتى, ءارى قيىندىعى قاتار ەكەنىن ايتادى. ءويتكەنى, ەلدىڭ ورتاسىندا ءجۇرىپ, ولاردىڭ اراسىندا ءتۇرلى تاعدىرلى جانداردى كورەسىڭ. سولاردىڭ بارىمەن ءتىل تابىسا وتىرىپ, ءوز قىزمەتىڭدى ءمىنسىز اتقارۋ كەرەك.
رايحان راحمەتوۆا.
ماڭعىستاۋ وبلىسى.
