سوت وتىرىسى. ەكىنشى اپتا
سەيسەنبى, 3 ءساۋىر 2012 7:37
كەشە اقتاۋدا وتكەن جىلدىڭ 16-17 جەلتوقسان كۇندەرى جاڭاوزەن قالاسىندا ورىن العان وقيعالارعا بايلانىستى باستالعان سوت وتىرىسىنىڭ ەكىنشى اپتاداعى ءماجىلىسى ودان ءارى جالعاستى.
بۇل كۇنى دە سوت وتىرىسى ءدال بەلگىلەنگەن ۋاقىتىندا باستالدى. سوت زالىنا پروتسەسكە قاتىسۋشىلارمەن قاتار سوتتالۋشىلاردىڭ تۋىستارى, دوس-جولداستارى, حالىقارالىق, رەسپۋبليكالىق باقىلاۋشىلار ورنالاسسا, ارنايى جابدىقتالعان قوسالقى زالدا سوت وتىرىسىن كورۋگە ىنتا بىلدىرگەندەر, سونداي-اق ءباسپاسوز وكىلدەرى دە تولىق بولدى.
سەيسەنبى, 3 ءساۋىر 2012 7:37
كەشە اقتاۋدا وتكەن جىلدىڭ 16-17 جەلتوقسان كۇندەرى جاڭاوزەن قالاسىندا ورىن العان وقيعالارعا بايلانىستى باستالعان سوت وتىرىسىنىڭ ەكىنشى اپتاداعى ءماجىلىسى ودان ءارى جالعاستى.
بۇل كۇنى دە سوت وتىرىسى ءدال بەلگىلەنگەن ۋاقىتىندا باستالدى. سوت زالىنا پروتسەسكە قاتىسۋشىلارمەن قاتار سوتتالۋشىلاردىڭ تۋىستارى, دوس-جولداستارى, حالىقارالىق, رەسپۋبليكالىق باقىلاۋشىلار ورنالاسسا, ارنايى جابدىقتالعان قوسالقى زالدا سوت وتىرىسىن كورۋگە ىنتا بىلدىرگەندەر, سونداي-اق ءباسپاسوز وكىلدەرى دە تولىق بولدى.
وتىرىس باسىندا توراعا ا.ناعاشىباەۆ 37 سوتتالۋشىنىڭ ىشىندە 10 ادامنىڭ دەنساۋلىعىندا ءتۇرلى دەڭگەيدە كىنارات بارلىعىنا بايلانىستى سوتتىڭ ۇسىنىسى بويىنشا وبلىستىق دەنساۋلىق ساقتاۋ باسقارماسى جانىنان ارنايى دارىگەرلىك كوميسسيا قۇرىلىپ, ونىڭ قۇرامىنا ايماققا بەلگىلى, بىلىكتى ماماندار تارتىلعاندىعىنان حاباردار ەتتى. سودان سوڭ قورعاۋشىلار تاراپىنان تۇسكەن سوت وتىرىسىنىڭ حاتتاماسىمەن كۇندەلىكتى تانىسىپ وتىرۋعا رۇقسات بەرۋ جونىندەگى ءوتىنىش قاناعاتتاندىرىلدى.
ودان ءارى سوت وتىرىسى جابىرلەنۋشىلەردى تىڭداۋمەن جالعاستى. وتىزدان استام جابىرلەنۋشى ءسوز الدى. ولاردىڭ كوبى جەكە كاسىپكەرلەر, اۆتوكولىك پەن شاعىن دۇكەندەردىڭ, حالىققا قىزمەت كورسەتۋ ورىندارىنىڭ يەلەرى بولدى. وسى جەردە ريزاشىلىقپەن اتاپ ايتا كەتەرلىگى, ولاردىڭ كوبى وزدەرىنە كەلگەن شىعىنداردىڭ مولشەرىنە قاراماي قىلمىستىق ىسكە بايلانىستى بەرگەن تالاپ-ارىزدارىن قايتىپ الاتىندىقتارىن جانە دە وزدەرىنىڭ ەندى وسىنداي ءساتتەردىڭ كۋاسى بولمايىق دەگەن رياسىز كوڭىلدەن شىققان سوزدەرىن جەتكىزۋلەرى ەدى. بۇلاردىڭ اراسىندا ءوزدەرى دە بۇل كۇندەرى جۇمىسسىز كاسىپكەر گ.بايماعانبەتوۆ, ر.قابيەۆا, د.ابادجانوۆا, ش.بەكبوسىنوۆا جانە باسقالارى بار. ال اۋرۋحانادا وتا جاسالىپ كەلە الماعان ابزال انا ءا.سارسەنوۆانىڭ قىزى ءا.جايشىلىقوۆا سوت وتىرىسىنا سەنىمحات اكەلدى. ۇلكەن كيىم-كەشەك دۇكەنىنىڭ يەسى قانشا دۇنيە-م ۇلىگى ورتەنىپ, قولدى بولسا دا «بالا-شاعامىز, حالقىمىز امان بولسىن, دۇنيە-م ۇلىك ءۇشىن بەرىلگەن تالاپ-ارىزدى قايتىپ الامىز», – دەپ ەلدىكتىڭ ۇلگىسىن كورسەتىپتى. جالپى ابزال انالاردىڭ, قىز-كەلىنشەكتەردىڭ وسى كۇنگى ادامگەرشىلىككە تولى اق پەيىلدەرى تۋرالى سوت وتىرىسىن باقىلاپ وتىرعان ءبىر توپ اقساقال اعالار مۇنى جوعارى باعالاپ, بۇل ەلدىكتىڭ بەلگىسى, ءتۇبى قايىر بولاتىن شىعار دەگەن ريزاشىلىق سەزىمدەرىن ءبىلدىردى. ءبىز دە سونداي ۇكىلى ۇمىتپەن تارقاستىق. ءارينە, شىن ايىپتىلاردىڭ زاڭعا سايكەس جازاسىن الۋى دا ادىلدىك بولماق. ويتكەنى, زاڭ بارشاعا بىردەي.
جولامان بوشالاق,
اقتاۋ.
