سوت وتىرىسى جالعاسۋدا
بەيسەنبى, 29 ناۋرىز 2012 7:54
كەشە اقتاۋ قالالىق سوتىندا 2011 جىلدىڭ 16-17 جەلتوقسانىندا جاڭاوزەن قالاسىندا ورىن العان جاپپاي تارتىپسىزدىك وقيعاسىنا وراي 37 تۇلعاعا قاتىستى قىلمىستىق ءىس قاراعان سوت وتىرىسى ەكىنشى كۇن جالعاستى.
ادۆوكاتتار قورعاۋشىلار رەتىندە سوتتالۋشىلاردىڭ تالاپ-تىلەكتەرىن ءجانە ولاردىڭ ناقتىلىعى جونىندە بايان ەتتى. سوت ءماجىلىسىنىڭ توراعاسى ا.ناعاشىباەۆ قورعاۋشىلاردان 10 ءىس بويىنشا وتىنىشتەر تۇسكەندىگىن, ونىڭ ءبارى دە سارالانىپ, زاڭ بويىنشا جۇزەگە اسىرىلاتىندىعىن جەتكىزدى.
بەيسەنبى, 29 ناۋرىز 2012 7:54
كەشە اقتاۋ قالالىق سوتىندا 2011 جىلدىڭ 16-17 جەلتوقسانىندا جاڭاوزەن قالاسىندا ورىن العان جاپپاي تارتىپسىزدىك وقيعاسىنا وراي 37 تۇلعاعا قاتىستى قىلمىستىق ءىس قاراعان سوت وتىرىسى ەكىنشى كۇن جالعاستى.
ادۆوكاتتار قورعاۋشىلار رەتىندە سوتتالۋشىلاردىڭ تالاپ-تىلەكتەرىن ءجانە ولاردىڭ ناقتىلىعى جونىندە بايان ەتتى. سوت ءماجىلىسىنىڭ توراعاسى ا.ناعاشىباەۆ قورعاۋشىلاردان 10 ءىس بويىنشا وتىنىشتەر تۇسكەندىگىن, ونىڭ ءبارى دە سارالانىپ, زاڭ بويىنشا جۇزەگە اسىرىلاتىندىعىن جەتكىزدى. سونىمەن ءبىرگە ءدالەلسىز, نەگىزسىز تالاپ-تىلەكتەر زاڭدىق نەگىزدە بولۋىن, سوتتى قۇرمەتتەۋدى سۇرادى. ودان ءارى سوت وتىرىسىندا قاتىسۋشىلارعا سوتتالۋشىلارعا تاعىلعان ايىپتاردىڭ مازمۇنى تانىستىرىلدى. ءجانە دە سوت ءماجىلىسىنىڭ توراعاسى ءاربىر سوتتالۋشىلارعا تاعىلعان ايىپتاردىڭ مازمۇنى جونىندەگى كوزقاراستارى تۋرالى سويلەۋلەرىنە مۇمكىندىك بولاتىندىعىن ەسكەرتتى. سوسىن ۇسىنىلعان ءدالەلدەمەلەردى زەرتتەۋ بارىسى تۋرالى ءپىكىرلەر تىڭدالاتىندىعى ايتىلدى. بۇل ماسەلە بويىنشا قورعاۋشىلار, مەملەكەتتىك ايىپتاۋشىلار پىكىرلەرى ورتاعا سالىندى. كەشەگى ءىس بويىنشا 37 سوتتالۋشى, 188 جابىرلەنۋشى, 45 كۋا قاتىستى. جانە 93 تومدىق قۇجات بار ەكەندىگى ايتىلدى. سوت ءىسىن جابىرلەنۋشىلەردەن باستاۋ ۇسىنىلدى. ونى تەرگەۋ ارەكەتتەرى ناتيجەسىمەن جالعاستىرىلىپ, 93 تومدىق قۇجاتتاردى دا نازارعا الساق دەگەن پىكىر ايتىلدى. بۇل ۇسىنىستى سوت وتىرىسىنىڭ توراعاسى ماقۇلداپ كەلىسىمىن بەردى.
سوت وتىرىسىنداعى ءبىرىنشى بولىپ جابىرلەنۋشى «وزەنمۇنايگاز» ءوندىرىستىك فيليالىنىڭ وكىلى, ادۆوكات راشيد ساۋلەباەۆقا ءسوز بەرىلدى. ول 2011 جىلعى 16-17 جەلتوقسانداعى جاڭاوزەندەگى جاپپاي تارتىپسىزدىك سالدارىنان كەلگەن زيان كولەمىن جانە سول وقيعاعا بايلانىسى «وزەنمۇنايگازدان» بۇگىن قىلمىستى ىستەرى قارالۋداعى 18 قىزمەتكەر بار ەكەندىگىن ايتتى. جالپى, وسى وتىرىستا بارلىعى 14 جابىرلەنۋشى سۇرالدى. ولاردىڭ اراسىندا جەكە كاسىپكەرلەر, دۇكەندەر مەن اۆتوكولىك يەلەرى, مەرەكەگە وراي كيىز ۇيلەرىن تىككەن جەكە تۇلعالار بولدى.
اقتاۋداعى وسى سوت وتىرىسىنا ارنايى كەلگەن پارلامەنت ءماجىلىسىنىڭ دەپۋتاتى سەرىك وسپانوۆ باق وكىلدەرىمەن كەزدەسىپ, ساۋالدارىنا جاۋاپ بەردى. سوت وتىرىسىنىڭ ءجۇرۋ بارىسى تۋرالى پىكىرىن ءبىلدىردى. «بارشاڭىز دا كورىپ وتىرعانداي, سوت وتىرىسى اشىق, جاريالىلىق جاعدايىندا وتۋدە. ۇلكەن زالدا ايىپتالۋشىلاردىڭ تۋعان-تۋىسقاندارى, جولداستارى, قوعامدىق ۇيىمداردىڭ وكىلدەرى وتىر. باق وكىلدەرى جۇمىسىنا دا جاعداي جاسالىپتى. ماعان وسى سوت وتىرىسىنىڭ ءجۇرۋ بارىسى تۋرالى ارىز-شاعىم, ۇسىنىس تۇسكەن جوق. مەنىڭ ويىمشا سوت ءادىل وتەدى, كىمنىڭ قانداي ايىبى بار ەكەندىگى ءدال انىقتالىپ, دۇرىس شەشىم شىعارادى دەپ سەنەمىن», دەدى ءماجىلىس دەپۋتاتى.
جولامان بوشالاق.
اقتاۋ.
