«اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسى, ايەلدەردىڭ كاسىپكەرلىكتى قولداۋ قورىمەن بىرلەسە وتىرىپ, تالانتتى جانە جاڭا ديزاينەرلەردىڭ جۇمىستارىن قولداۋعا مۇمكىنشىلىك تۋدىرۋدا. التى جەڭىمپازدىڭ ارقايسىسى 1 ملن. تەڭگە كولەمىندە جۇلدە الاتىن بولادى.
بايقاۋدىڭ ماقساتى-وتاندىق ءساندى يندۋستريانى دامىتۋ, ۇلتتىق مادەني داستۇرلەردى ساقتاۋ, جاڭا اتاۋلار مەن برەندتەردى اشۋ جانە قولداۋ, وندىرىستىك كاسىپورىنداردى ديزاينەرلەرمەن بىرىكتىرۋ.
كونكۋرستى وتكىزۋ مامانداردىڭ جاڭا بۋىنىن انىقتاۋعا جانە باسەكەگە قابىلەتتى جاڭا برەندتەردى قۇرۋعا مۇمكىندىك بەرەدى. كاسىپقويلارعا وتكىزىلگەن بۇل بايقاۋ ءوز برەندىن ىلگەرىلەتۋگە جانە قولدا بار بيزنەستى كەڭ كولەمدە ناسيحاتتاۋعا جول اشادى.
بايقاۋ ءۇش باعىت بويىنشا وتەدى:
1) ءبىرىنشى كەزەڭ - ەكى باعىتتا جۇرگىزىلەدى, ولار وتىنىمدەردى قابىلداۋ جانە ىرىكتەۋ: 4 ناۋرىزدان باستاپ 15 مامىرعا دەيىن جانە 10 ماۋسىمنان باستاپ 15 قىركۇيەككە دەيىنگى ارالىقتا; ءار كەزەڭنىڭ قورىتىندىسى بويىنشا كوميسسيا كونكۋرس لاۋرەاتتارى اتاعىنا 6 ۇمىتكەردى ىرىكتەيدى;
2) ەكىنشى كەزەڭ - 12 ۇمىتكەردى قوعامدىق ونلاين داۋىس بەرۋگە ۇسىنۋ جانە ونىڭ ناتيجەلەرى بويىنشا 6 كونكۋرس لاۋرەاتىن بەكىتۋ;
3) ءۇشىنشى كەزەڭ – قازىلار القاسىنىڭ باس جۇلدەسىن الۋ ءۇشىن التى جەڭىمپازدىڭ ىشىنەن ءبىر جەڭىمپازدى انىقتايدى.
بايقاۋ اعىمداعى جىلدىڭ جەلتوقسان ايىندا لاۋرەاتتاردى سالتاناتتى تۇردە ماراپاتتاۋ راسىمىمەن اياقتالادى.
