رۋحانيات • 04 ءساۋىر، 2019

«قازاق حاندىعى. التىن تاق» ءفيلمىنىڭ شىعارماشىلىق توبى قاراعاندىدا بولدى

792 رەت كورسەتىلدى

قاراعاندىعا ات شالدىرعان «قازاق حاندىعى. التىن تاق» ءفيلمىنىڭ شىعارماشىلىق توبى كورەرمەندەرمەن كەزدەسۋ وتكىزدى. سونداي-اق، قالاداعى «سارىارقا» كينوتەاترىندا اتالعان ءفيلمنىڭ كورسەتىلىمى بولدى.

قۇرامىندا ءفيلمنىڭ باس رەجيسسەرى رۇستەم ابدىراشەۆ، باس پروديۋسەرى ارمان اسەنوۆ، ديالوگ ماتىندەرىنىڭ اۆتورى ەرلان تولەۋتاي جانە باستى رولدەردى سومداۋشىلار قايرات كەمالوۆ، نيازبەك شايسۇلتانوۆ، عازيزاتاڭشولپان تىلەۋباي، مەيرحات امانگەلدى بار شىعارماشىلىق توپتى قاراعاندى وبلىسى اكىمىنىڭ ورىنباسارى اسحات ايماعامبەتوۆ قارسى الدى.

شىعارماشىلىق توپ كەنشىلەر استاناسىندا «سارىارقا» جانە «قاراعاندى-1» تەلەارنالارىنا سۇحبات بەرىپ، باق وكىلدەرىمەن ءباسپاسوز ءماسليحاتىن وتكىزدى.

كەزدەسۋلەر بارىسىندا رەجيسسەر رۇستەم ءابدىراشوۆ «التىن تاق» ءفيلمىنىڭ «قازاق حاندىعى. الماس قىلىش» كينوەپوپەياسىنىڭ جالعاسى ەكەنىن اتاپ ءوتتى. 

– كارتينانى تۇسىرۋگە 500-دەن استام ادام جۇمىلدىرىلدى. رولدەردى  ورىنداۋشىلاردى قازاقستاننىڭ بىرنەشە وبلىسىنان جينادىق. بۇعان قوسا، فيلمدە موڭعوليا، قىتاي جانە يراننان كەلگەن اكتەرلەر وينادى. سونىمەن قاتار، ءتۇسىرىلىمدى ۇيىمداستىرۋعا ارنايى قۇرىلعان بىرنەشە دەپارتامەنت ات سالىستى، – دەدى ر.ابدىراشەۆ. 

ايتا كەتۋ كەرەك، فيلمنىڭ تۇسىرىلۋىنە سۇبەلى ۇلەس قوسقانداردىڭ اراسىندا ەكى قاراعاندىلىق ازامات بولدى. ولار – ساكەن سەيفۋللين اتىنداعى قازاق دراما تەاترىنىڭ ءارتىسى، قازاقستاننىڭ ەڭبەك سىڭىرگەن قايراتكەرى، اتالعان فيلمدە كەرەي حاننىڭ ءرولىن سومداعان قايرات كەمالوۆ پەن ديالوگتار اۆتورى، ونەرتانۋشى ەرلان تولەۋتاي.

– كەرەي حان رولىنە بەكىتىلگەنىمدى ەستىگەندە قاتتى قۋانعانىم راس. بىراق مەنىڭ بۇل قۋانىشىم ۇزاققا سوزىلمادى. سالدەن سوڭ مەن جوبانىڭ قانشالىقتى اۋقىمدى ەكەنىن تۇسىنگەندە، جاۋاپكەرشىلىك سەزىمى پايدا بولدى. ءتىپتى بويىمدى ۇرەي بيلەدى دەسەم دە بولادى. مەن تەاتردا 40 جىل جۇمىس ىستەيمىن، بىراق كينونىڭ ەرەكشىلىگى مۇلدەم باسقا. ءتۇسىرىلىم باستالعان سوڭ 10 كۇن وتكەن سوڭ بارىپ بارلىعى ويداعىداي جۇرە باستادى. العاشقى ۋاقىتتا ماعان تاجىريبەلى كينواكتەرلەر كومەكتەستى، – دەدى قايرات كەمالوۆ.

سونداي-اق، «قازاق حاندىعى. التىن تاق» ءفيلمىنىڭ شىعارماشىلىق توبى قاراعاندى وبلىسىنىڭ اكىمى ە.قوشانوۆتىڭ قابىلداۋىندا بولدى.

سوڭعى جاڭالىقتار

جەر سىلكىنىسى: ساقتىق پەن ساباق

توتەنشە جاعداي • كەشە

تالقى

ادەبيەت • كەشە

قار ۇستىندەگى قارساق

ايماقتار • كەشە

الكەيدىڭ كۇندەلىگى

تاريح • كەشە

«حات قورجىن»

قوعام • كەشە

قارعىن سۋدان قاۋىپ بار

توتەنشە جاعداي • كەشە

وقۋشىلار تاپقان ولجا

جادىگەر • كەشە

ۇقساس جاڭالىقتار