باسىنعان بارىمتاشىلار

سەيسەنبى, 6 ناۋرىز 2012 8:19

اۋىل-ايماقتا مال ۇرلىعى, بارىمتاشىلىق بەلەڭ الىپ تۇر. ولاردىڭ باسىنعاندارى سونشا­­لىق, الگىلەر تۇرعىنداردىڭ اسىراپ وتىرعان اق ادال مالىن ال­عاشقىدا جالقىلاپ ۇرلاسا, قۇ­نى­عا كەلە ۇيىرلەپ ۇرلاۋعا كوشتى.

سولاردىڭ ءبىرى تەرەكتى اۋدا­­نىن­داعى قوعالىتۇبەك اۋىلىنىڭ تۇر­عىنى جايىلىمدا جۇرگەن ءتورت جىلقىسىنىڭ ءىزىم-عايىم جو­عا­­لىپ كەتكەندىگى جونىندە جەر­­­گى­لىك­تى پوليتسياعا شاعىمدانعان. اتال­عان دەرەك بويىنشا شۇعىل ىزدەس­تىرۋ شارالارى قولعا الىن­عان. تايپاق پوليتسيا بولىمشە­سى­نىڭ باس­تىعى پودپولكوۆنيك ا.ال­­­دا­بەرگەنوۆتىڭ جەتەكشىلىگىمەن كۇن­دىز-ءتۇنى جۇرگىزىلگەن ءىس-شارا اقى­رى ءوز ناتيجەسىن بەردى. اتى­راۋعا باعىت العان كوزگە كۇدىكتى كورىن­گەن كولىكتى توقتاتىپ, قو­را­بىن تەكسەرگەندە, بولشەكتەلگەن جىل­قى­نىڭ ەت-تەرىسى تابىلدى. قىل­مىستىق توپ مۇشەلەرى 21-30 جاس ارالىعىنداعى اتىراۋ, ورال قا­لالارىنىڭ تۇرعىندارى بولىپ شىق­­تى. ولار بيىلعى جىلى تە­رەكتى اۋدانىنىڭ «ىرىس» جايىلىمىنان ءۇش جىلقىنى بارىمتالاسا, سىرىم اۋدانىنداعى قى­زىل­اعاش اۋىلى تۇرعىنىنىڭ ءۇش جىلقىسىن قوراسىنان ۇرلاپ كەتكەن. اقجايىق اۋدانى تۇرعى­نى­نىڭ ەكى سيىرىن دا ۇرلاعان وسى قىلمىسكەرلەر بولىپ شىقتى.

فاتيحوللا ماشتاقوۆ, باتىس قازاقستان وبلىستىق  ىشكى ىستەر دەپارتامەنتىنىڭ  باسپاسوز قىزمەتى.