«كوماندا كۇن سايىن العا باسىپ كەلەدى. قازىرگى تاڭدا جاتتىعۋ قارقىنىن ۇدەتىپ, كەمشىلىكتەردى جويۋعا تىرىسۋدامىز. فەدەراتسيا رەسەيدىڭ ۇزدىك كوماندالارىمەن بىرلەسكەن جاتتىعۋ جيىنىن وتكىزۋدى قولعا الىپ جاتىر. سونداي-اق, حالىقارالىق اشىق تۋرنيرلەردە باق سىناۋدى جوسپارلاپ وتىرمىز. جاقىن ارادا كوماندا ساپىنداعى وزگەرىستەردەن دە حاباردار بولاسىزدار», - دەيدى باس باپكەر.
مارينا پيكالوۆا توكيو ويىندارىنا جولداما تاراتاتىن ەكى ماڭىزدى تۋرنيرگە دە توقتالىپ ءوتتى.
«بيىلعى ماۋسىمدا ەكى ءىرى دودا كۇتىپ تۇر. ونىڭ ءبىرى – قىركۇيەك ايىندا قىتايدا وتەتىن ازيا چەمپيوناتى. ەكىنشىسى – جەلتوقسان ايىندا جاپونيادا ۇيىمداستىرىلاتىن الەم بىرىنشىلىگى. ارينە, وليمپيادا ويىندارىنا ىرىكتەۋ ءتۋرنيرى سانالاتىن ازيا چەمپيوناتىنا بار كۇشىمىزدى سالامىز. وليمپيادا ليتسەنزياسى حالىقارالىق ىرىكتەۋ تۋرنيرلەرىندە توپ جارعان التى كومانداعا, جازعى ويىنداردى قابىلدايتىن مەملەكەتكە جانە الەم چەمپيوناتىندا كوزگە تۇسكەن ءتورت قۇرلىقتىڭ ۇزدىك قۇرامالارىنا بەرىلەدى», - دەيدى پيكالوۆا.
كوماندانىڭ باس باپكەرى توكيو ويىندارىنا ليتسەنزيا الۋ ءۇشىن سپورتشىلاردىڭ ايانىپ قالمايتىنىن ەسكەرتىپ, جولداما تاراتاتىن تۋرنيرلەرگە دايىندىق باستالىپ كەتكەنىن دە حابارلادى.
