«سپارتا استانا» ەكو-كلۋبى, «تازا قالا ءۇشىن» ەكو-قوزعالىسى, «سپارتا استانا» قوزعالىس كلۋبى نۇر-سۇلتان قالاسى اكىمدىگىنىڭ قولداۋىمەن «مەنىڭ قالام-تازا قالا» اكتسياسىن وتكىزەدى, دەپ حابارلايدى ەلوردا اكىمدىگىنىڭ رەسمي سايتى. ەكولوگيالىق اكتسيانى ەلوردا اكىمدىگى جانە «ادال» ۆولونتەرلىك قوزعالىسى قولدادى. ۇيىمداستىرۋشىلاردىڭ ايتۋى بويىنشا, پلوپينگ – جۇگىرىپ قوقىس جيناۋ. ول ءبىر مەزەتتە ەكى ءىستى جاساۋعا باعىتتالعان. بىرىنشىدەن, بۇل – فيزيكالىق بەلسەندىلىك, ەكىنشىدەن, قورشاعان ورتانى قورعاۋ. مۇنداي قوزعالىس بۇكىل الەمدە تانىمالدىلىققا يە جانە ءارى پايدالى #challenge.
ءىس-شاراعا كەز-كەلگەن ازامات قاتىسا الادى.
«بۇل جەردە قاتتى جۇگىرۋ نەمەسە مارەگە ءبىرىنشى جەتۋ مىندەتتى ەمەس. اكتسياعا بالالار, قارتتار, جاستار ءبىزدىڭ قالانى, ەلىمىزدى تازا, قوقىسسىز كورگىسى كەلەتىن بارلىق ادام قاتىسا الدى», – دەپ اتاپ ءوتتى ۇيىمداستىرۋشىلار.
اكتسياعا قاتىسۋعا نيەت بىلدىرگەندەر 7 ساۋىردە ءتورت جەردە جينالادى.
11:00-دە – ورتالىق ساياباقتا (ساعات الدىندا);
10:00-دە – بوتانيكالىق باقتا (تۇركىستان كوشەسىنە قارايتىن باقتىڭ باس كىرەبەرىسىندە);
10:00-دە – ترياتلون-پاركتە (ميۋزيك-حولل ماڭىنداعى تۇراقتا);
10:00-دە – كەڭەسارى حاننىڭ ەسكەرتكىشىنىڭ الدىندا بەلگىلەنگەن جەرلەردە ولاردى بەلسەندىلەر قارسى الادى. اكتسيا قاتىسۋدىڭ باستى شارتى – قوقىس جيناۋعا ارنالعان پاكەتتىڭ بولۋى.
پلوگگينگ اياسىندا ەڭ اۋىر, ەڭ كوپ قوقىس جيناعان ادامدى انىقتاۋ كونكۋرسى دا ۇيىمداستىرىلادى. ءار ساياباقتا بەلسەندىلەر جينالعان قوقىستى ولشەپ ەڭ اۋىرىن, ەڭ ۇلكەنىن انىقتايتىن بولادى. ودان بولەك قوقىستى ءبولىپ جيناۋ بويىنشا شەبەرلىك-ساباعى وتەدى. سۇرىپتالعان قوقىس بىردەن قايتا وندەۋگە جونەلتىلەدى.
