قوعام • 03 ءساۋىر، 2019

ۇستازدار اراسىندا شەبەرلىكتى شىڭداۋ سايىسى ءوتتى

523 رەت كورسەتىلدى

الماتى قالاسىنداعى №15 گيمنازيانىڭ ادىستەمەلىك بىرلەستىكتەرى اراسىندا «شەبەرلىك شىڭى» مەكتەپىشىلىك بايقاۋى ءوتتى. جاس مۇعالىمدەرگە تاجىريبەلىك قولداۋ كورسەتۋ ماقساتىندا ۇيىمداستىرىلعان سايىسقا مەكتەپتەگى 7 ادىستەمەلىك بىرلەستىك ماماندارى قاتىسىپ، ينتەرپرەتاتسيا (شەشەندىك شەبەرلىگى)، پەداگوگيكالىق جاعداياتتى شەشۋ جانە سۋرەتكە جان ءبىتىرىپ سويلەتۋ شەبەرلىگى بويىنشا باق سىناستى.

ءار اينالىم بويىنشا مۇعالىمدەر تاپسىرمانى قارسىلاستارىنان قالىسپاي، جوعارى دەڭگەيدە ورىندادى. اسىرەسە، ءۇشىنشى اينالىمداعى تاپسىرمانى مۇعالىمدەردىڭ ورىنداۋى ەرەكشە قىزىقتىردى. بايقاۋ قاتىسۋشىلارى بەگىلى سۋرەتشىلەر تۋىندىلارىنداعى كەيىپكەرلەردىڭ ۇلگىسىندە كيىنىپ، كارتيناداعى كورىنىستى سومداپ، وزدەرىنىڭ جاڭاشىل، كرەاتيۆتى يدەيالارىن، مازمۇنى جاڭارتىلعان ءبىلىم بەرۋ باعدارلاماسىنا قاتىستى پىكىر-تىلەگىن ايتىپ، شەبەرلىكتەرىن كورسەتتى.

قوعاممەن بايلانىس ءبولىمىنىڭ باسشىسى  پەرۋزا اسىلبەكتىڭ ايتۋىنشا، ءىس-شاراعا گيمنازيانىڭ ديرەكتورى بولعان ەڭبەك ەرى، ءبىلىم بەرۋ ءىسىنىڭ ۇزدىگى  مادينا يبراەۆا، ى.التىنسارين توسبەلگىسىنىڭ يەسى، ءبىلىم بەرۋ ءىسىنىڭ ۇزدىگى نۇرايىم ۇسەنوۆا، فيلولوگيا عىلىمدارىنىڭ كانديداتى، وقۋ-قۇرالدارىنىڭ اۆتورى، «سامال-ءبىلىم» جوباسىنىڭ جەتەكشىسى تيۋكاچەۆا ەلەنا ۆلاديميروۆنا، «ورلەۋ» باۇو» اق فيليالى الماتى قالاسى بويىنشا پقباي قوعاممەن بايلانىس ءبولىمىنىڭ باسشىسى پەرۋزا اسىلبەك، اقپاراتتىق تەحنولوگيالار ءبولىمىنىڭ باس مامانى ايبەك قالمۇحان جانە ماتەريالدىق قولداۋ كورسەتكەن قامقورلىق كەڭەسىنىڭ ءتورايىمى اينۇر نۋفتيەۆا، ميحايل يۋرەۆيچ زاپوپادكو، اسىلبەك  يبراگيموۆ قاتىستى. 

مەكتەپىشىلىك مۇعالىمدەر سايىسىن ۇيىمداستىرىپ، ونىڭ مازمۇندى وتكىزىلۋىنە قولداۋ جاساعان مەكتەپ ديرەكتورى بۇلبۇل وسپانبەك ۇستاز مارتەبەسىنە توقتالىپ،  مۇعالىم جاۋاپكەرشىلىگى تۋراسىندا وي قوزعاپ، بۇگىنگى ءىس-شارا بارىسىندا كورسەتىلگەن ءادىس-تاسىلدەردىڭ جاس مۇعالىمدەردىڭ كاسىبىنە پايدالى بولاتىندىعىنا سەنىم ءبىلدىردى. ادىلقازىلار القاسىنىڭ  باعالاۋى بويىنشا جەڭىمپازداردى قۇتتىقتادى.

ءىس-شارا سوڭىندا ادىلقازىلار القاسىنىڭ مۇشەلەرى مۇعالىمدەردىڭ كاسىبي شەبەرلىگىن شىڭداۋعا ىقپالى زور سايىستىڭ جوعارى دەڭگەيدە وتكىزىلگەنىنە ريزاشىلىقپەن پىكىر-تىلەكتەرىن ايتىپ، ۇزدىكسىز ىزدەنىستە ەڭبەك ەتەتىن ماماننىڭ جولى اشىق، جەتىستىكتەر مول بولاتىنىن ايتىپ، مەكتەپ ۇجىمىنىڭ بيىك جەتىستىكتەرگە قول جەتكىزۋىنە تىلەكتەستىكتەرىن ءبىلدىردى. «شەبەرلىكتىڭ شەگى» بايقاۋىنىڭ جۇلدەگەرلەرىنە ارنايى سىيلىقتار بەرىلدى.



الماتى

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار