ساياسات • 03 ءساۋىر، 2019

سوت جۇيەسىندەگى وزەكتى ماسەلەگە قاتىستى دوڭگەلەك ۇستەل ءوتتى

375 رەت كورسەتىلدى

الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا سوتتىڭ توراعاسى مەن سۋديالاردىڭ، الماتى قالاسى بويىنشا سوت ساراپتاماسى ينستيتۋتى ديرەكتورىنىڭ جالپى ماسەلە بويىنشا ورىنباسارى ازامات ەرمەكوۆتىڭ، قر سوت ساراپشىلارىنىڭ اۋماقتىق پالاتاسىنىڭ باسشىسى تاحير حاليمنازاروۆتىڭ جانە باسقا دا ساراپشىلاردىڭ قاتىسۋىمەن دوڭگەلەك ۇستەل ءوتتى.

الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءباسپاسوز قىزمەتىنەن حابارلاعانىنداي، الماتى قالالىق سوتىنىڭ سوت ساراپتامالارىنىڭ جەكەلەگەن تۇرلەرىن باسەكەلەستىك ورتاعا كەزەڭ-كەزەڭىمەن بەرۋ ماسەلەلەرى بويىنشا اۋداندىق سوتتاردا تالقىلاۋلاردى وتكىزۋ تۋرالى ۇسىنىسىنا سايكەس سوت-ساراپتامالىق قىزمەتتى ۇيىمداستىرۋ قاعيدالارىن قۇقىقتىق نەگىزدەرىن نىعايتۋعا، قولدانىستاعى نورمالاردى جەتىلدىرۋ ماقساتىندا شارا سوت ماماندارى ايجان دۇمشەباي، نازەركە وماروۆامەن ۇيىمداستىرىلعان.

شارانىڭ مودەراتورى رەتىندە الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ توراعاسى مارتپەك كاكىمجانوۆ ءوز سوزىندە نۇر-سۇلتان، الماتى قالالارىنداعى سوتتارداعى قۇرىلىس، تاۋارتانۋ جانە ەكونوميكالىق باستاپقى سوت ساراپتامالارىن تاعايىنداۋ مەن جۇرگىزۋ بويىنشا پيلوتتىق جوبا بويىنشا ماسەلەلەردىڭ وزەكتىلىگىن اتاپ ءوتتى.  2018 جىلعى 15 قاراشاداعى قازاقستان رەسپۋبليكاسى جوعارعى سوتىنىڭ جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ (قازاقستان رەسپۋبليكاسى جوعارعى سوتىنىڭ اپپاراتىنىڭ) جانە قازاقستان رەسپۋبليكاسى ادىلەت مينيمترلىگىنىڭ بىرلەسكەن بۇيرىعىن ەسكە سالىپ، ساراپشىلاردى مارتەبەسىنە، ليتسەنزيانىڭ جانە مامانداردى قاتىستىرۋ نەگىزىندە سوت-ساراپشى قىزمەتىمەن اينالىساتىن ساراپشىلاردىڭ ساراپتامالاردىڭ جەكەلەگەن تۇرلەرىن جۇرگىزۋ جانە تاعايىنداۋ مۇمكىندىكتەرىن نازارعا العان.

شارا اياسىندا الماتى قالاسى بويىنشا سوت ساراپتاماسى ينستيتۋتى ديرەكتورىنىڭ جالپى ماسەلە بويىنشا ورىنباسارى  ازامات ەرمەكوۆ، قر سوت ساراپشىلارىنىڭ اۋماقتىق پالاتاسىنىڭ باسشىسى تاحير حاليمنازاروۆ، باس ساراپشى يگور ميللەر، سوت-مەديتسينالىق ساراپشى ارداق اليشەۆ ءسوز سويلەدى.

تالقىلاۋدىڭ ناتيجەسىندە قاتىسۋشىلار تاراپىنان وسى ماسەلەلەر بويىنشا ۇسىنىستار تىڭدالدى.


الماتى


سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار