ساياسات • 03 ءساۋىر، 2019

قازاقستان مەن ەاەو ساۋدا ارىپتەستىگى 19 ملرد دوللاردان استى

254 رەت كورسەتىلدى

وتكەن جىلى قازاقستاننىڭ  ەاەو ەلدەرىمەن سىرتقى ساۋداداعى ۇلەسى 19،1 ملرد جەتكەن. بۇل كورسەتكىش 2017 جىلعى مەجەمەن سالىستىرعاندا 10،1 پايىزعا ۇلعايعان. تاۋارلار جيىنتىعىندا يمپورت كولەمى 69،2 پايىزدى (13،2 ملرد دوللار)  قۇراسا، وتاندىق تاۋارلار ەكسپورتى 30،8 پايىز (5،9 ملرد دوللار) دەڭگەيىندە. finprom.kz مالىمەتتەرىنە سۇيەنەتىن بولساق، اعىمداعى جىلدىڭ قاڭتار ايىندا ارىپتەستىكتەر اياسىنداعى اينالىم 1،4 ملرد دوللاردى قۇراعان.

قازاقستان جانە ەاەو قاتىسۋشى ەلدەردىڭ ساۋدا اينالىمى  ايماقتىق ارىپتەستەردىڭ ينۆەستيتسيالىق بەلسەندىلىگىمەن تۇسىندىرىلەدى.  تەك وتكەن جىلدىڭ توعىز ايىندا ەاەو تاراپىنان ۇلتتىق ەكونوميكاعا شەتەلدىك ينۆەستيتسيا اعىمى 1،2 ملرد دوللاردى قۇراعان.  بۇل سالىستارمالى كەزەڭمەن العاندا 30،9 پايىزعا جوعارى.

تاياۋدا ءمالىم بولعانىنداي، قر ءسىم جانە «Kazakh Invest» اق قولداۋىمەن شەتەلدىك كومپانيالاردىڭ قاتىسۋىمەن قۇنى 3،1 ملرد دوللاردى قۇرايتىن 27 ينۆەستيتسيالىق جوبانىڭ جۇزەگە اسادى. ناتيجەسىندە 6 مىڭ جۇمىس ورنىن اشۋ جوسپارلانعان. بۇگىندە اتالعان كومپانيانىڭ مونيتورينگ جۇيەسىندە 26 ەلدىڭ شەتەلدىك ينۆەستورلاردىڭ قاتىسۋىمەن جالپى سوماسى 40 ملرد اقش دوللارى كولەمىندەگى 157 جوبا بار.

وداق ەلدەرىنەن كەلەتىن ينۆەستيتسيا كولەمىنىڭ ۇلعايۋىمەن قاتار ۇلەس سالماعى دا ارتىپ كەلەدى. قازاقستان ەكونوميكاسىنا ايماقتىق ارىپتەستەر اكتيۆتەرىنىڭ ۇلعايۋى ينۆەستورلاردىڭ جەكەلەگەن سالالارعا دەگەن قىزىعۋشىلىعىن بىلدىرەدى.  شەتەلدىك ينۆەستيتسيانىڭ ارتۋى ءوندىرىس كولەمى مەن ەكسپورتتىق الەۋەتتى كوتەرۋگە ىقپال ەتەدى دەپ باعالايدى سالا ماماندارى. 

  

الماتى

 

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار