قازاقستاندىق سپورتشىلار الەم ەلدەرى اتلەتتەرىنىڭ اراسىندا سپورتتىڭ 24 ءتۇرى بويىنشا بۇكىلالەمدىك جازعى ارنايى وليمپيادالىق ويىندار وتكەن ابۋ-دابيدەن ورالدى. تۋرنيردە 190 ەلدىڭ سپورتسمەندەرى باق سىناستى.
جارىسقا نۇر-سۇلتاننان №1 ارنايى مەكتەپ-ينتەرناتىنىڭ تاربيەلەنۋشىلەرى ەرقانات باحىتجانوۆ پەن كريستينا فيليپپوۆا قاتىسىپ, ۇلكەن تەننيس بويىنشا «كۇمىس» جانە «قولا» مەدالدى ەنشىلەدى.
تۋرنيرگە دايىندىق ءبىر جىل شاماسىندا ءجۇردى.
«بالالار ەلىمىزدىڭ كوك بايراعىن جەلبىرەتىپ, جۇلدەمەن ورالدى. بۇل ءبىز ءۇشىن ۇلكەن قۋانىش. سىزدەردى الداعى ۋاقىتتا دا بيىك شىڭداردان كورەتىنىمىزگە سەنەمىن. وسى جارىسقا بالالاردى قىسقا مەرزىمدە دايىنداپ, بارىنشا قولداۋ كورسەتكەن مەكتەپ ۇجىمىنا زور العىس بىلدىرەمىن», – دەدى قۇتتىقتاۋ سوزىندە نۇر-سۇلتان قالاسى ءبىلىم باسقارماسىنىڭ جەتەكشىسى ءانۋار جانعوزين.
