وتىرىسقا قازاقستان, قىتاي, بەلارۋس, گەرمانيا, موڭعوليا, پولشا جانە رەسەي تەمىرجول اكىمشىلىكتەرىنىڭ وكىلدەرى قاتىسۋدا. جۇمىس توبىنىڭ مۇشەلەرى قىتاي-ەۋروپا-قىتاي باعدارى بويىنشا تاسىمالداۋدى ۇيىمداستىرۋعا قاتىستى 2019 جىلدىڭ ءبىرىنشى توقسانىنىڭ جانە 2018 جىل قورىتىندىسىن شىعاردى.
قىتاي تەمىر جولدارى ستاتيستيكاسى مالىمەتىنشە, 2018 جىلى قىتاي-ەۋروپا-قىتاي قاتىناسىندا 4128 كونتەينەرلىك پويىز (رەسەي مەن بەلارۋسسياعا بەلگىلەنگەن كونتەينەرلىك پويىزداردى ەسەپتەمەگەندە) ۇيىمداستىرىلعان, بۇل 2017 جىلعىعا قاراعاندا 59% ارتىق.
قىتاي – ەۋروپا – قىتاي باعىتىندا قازاقستان اۋماعى ارقىلى 286 مىڭ جفب كونتەينەرلەر تاسىمالدانسا, بۇل 2017 جىلعىعا قاراعاندا 61% كوپ.
«قتج» ۇك» اق باسقار توراعاسىنىڭ ءبىرىنشى ورىنباسارى قانات الماعامبەتوۆ قىتاي-ەۋروپا-قىتاي باعىتىنداعى تاسىمال كولەمىن ارتتىرۋ بويىنشا كومپانيا قابىلداپ جاتقان شارالار تۋرالى اقپارات بەرە كەتتى.
«بىزدەرمەن كونتەينەرلىك پويىزداردى وڭتايلى جولمەن قۇرۋدى قولدانۋ تاجىريبەسى ساتىمەن جۇزەگە اسىرىلۋدا. ۇزىنقۇرامدى كونتەينەرلىك پويىزداردى وتكىزۋ تەحنولوگياسى ەنگىزىلگەن», دەدى ق. الماعامبەتوۆ.
بۇدان باسقا, كونتەينەرلىك اعىننىڭ نەگىزگى بولىگى قارتالى-1 مەملەكەتارالىق ءتۇيىسۋ پۋنكتى ارقىلى بالامالى باعىتتارعا قايتا باعدارلاندى, بۇل كونتەينەرلىك سەرۆيس ساپاسىنا وڭ ىقپال ەتتى.
2019 جىلى قتج جۇك تاسىمالى نارىعىندا تەمىرجول كولىگى ۇلەسىن تولىقتاي ارتتىرۋ جانە قوسىمشا كولەمدەر تارتۋ, باسەكەلەستىكتى كوتەرۋگە باعىتتالعان جۇمىستاردى جالعاستىرادى.
وتىرىسقا قاتىسۋشىلار 2019 جىلى كونتەينەرلىك تاسىمالداردى ۇيىمداستىرۋ بويىنشا جوسپاردى تالقىلادى.
وتىرىس قورىتىندىسى بويىنشا قىتاي – ەۋروپا قاتىناسىنداعى كونتەينەرلىك پويىزدارمەن تاسىمالداۋ جونىندەگى بىرلەسكەن جۇمىس توبىنىڭ ءراسىم ەرەجەلەرىن بەكىتتى. قاتىسۋشىلار كليەنتتەرگە كەشەندى قىزمەت كورسەتۋ ەسەبىنەن تەمىرجول تاسىمالى تارتىمدىلىعىن ارتتىرۋ ماقساتىندا ونىمدەر مەن ساندىق سەرۆيستەردى بىرلەسە قۇرۋ جونىندەگى جۇمىستى بەلسەندىلەندىرۋگە ۋاعدالاستى.
بىرلەسكەن جۇمىس توبىنىڭ بەسىنشى وتىرىسىن گدانسكىدە (پولشا) وتكىزۋ جوسپارلانىپ وتىر.
