ساياسات • 03 ءساۋىر، 2019

مەديتسينالىق قىزمەتتىڭ ساپاسىن جاقسارتۋ – قازاقستاندىقتاردىڭ ءومىر ءسۇرۋ ۇزاقتىعىن ارتتىرادى

353 رەت كورسەتىلدى

بۇل تۋرالى قر دەنساۋلىق ساقتاۋ ءمينيسترى ەلجان ءبىرتانوۆ قر ۇكىمەتىندە وتكەن بريفينگتە مالىمدەدى.

ءوز ءسوزىنىڭ باسىندا ەلجان ءبىرتانوۆ، قر تۇڭعىش پرەزيدەنتى – ەلباسىمىزدىڭ 2018 جىلعى 5 قازانداعى جولداۋىن ىسكە اسىرۋ ماقساتىندا دەنساۋلىق ساقتاۋ مينيسترلىگى العاشقى مەديتسينالىق–سانيتاريالىق كومەكتى دامىتۋدىڭ نەگىزگى باعىتتارىن ىسكە اسىرۋدىڭ 2019–2020 جىلدارعا ارنالعان ءىس-شارالار جوسپارىن بەكىتىلگەنى تۋرالى اتاپ ءوتتى.

دارىگەرلەردىڭ جۇكتەمەسىن تومەندەتۋ ماقساتىندا 2018 جىلى 1315 جالپى پراكتيكا دارىگەرىنىڭ ۋچاسكەسى مەن 79 پەدياتريالىق ۋچاسكە اشىلدى جانە 1 دارىگەردىڭ جۇكتەمەسى 1989 تىركەلگەن ادامدى قۇرادى.

2019 جىلى ەلىمىزدىڭ مەديتسينالىق جوعارى وقۋ ورىندارىنداعى 5 000-نان استام تۇلەكتىڭ 1515-ءى جالپى پراكتيكا دارىگەرى مامانى بولادى. بۇل العاشقى مەديتسينالىق كومەك كادرلارىنىڭ تاپشىلىعىن تۇگەلدەي قامتۋعا جەتكىلىكتى. بيىلدان باستاپ تۇلەكتەر مەملەكەتتىك دەنساۋلىق ساقتاۋ ۇيىمدارىندا مىندەتتى تۇردە ءۇش جىلدىق جۇمىستارىن وتەيتىن بولادى.

امسك قولجەتىمدىلىگىن قامتاماسىز ەتۋ ءۇشىن ۇيىمداردى ىرىلەندىرۋ جۇمىستارى جۇرگىزىلۋدە. سوڭعى ەكى جىلدا 214 جاڭا وبەكت پايدالانۋعا بەرىلدى، ونىڭ 31%-ى جەكە ينۆەستيتسيا قاراجاتىنان سالىندى. الداعى ءۇش جىلدا 120 ملرد تەڭگەدەن استام سوماعا جاڭا 595 امسك وبەكتىسىن اشۋ جوسپارلانعان. بۇل رەتتە، وبەكتىلەردىڭ جارتىسىنان استامىن مەملەكەتتىك-جەكەمەنشىك ارىپتەستىك شەڭبەرىندە اشۋ جوسپارلانىپ وتىر. سونىمەن قاتار 228 امسك وبەكتى كۇردەلى جوندەۋمەن، 11000-نان استام مەديتسينالىق تەحنيكامەن قامتاماسىز ەتىلەدى.

قر دەنساۋلىق ساقتاۋ ءمينيسترىنىڭ ايتۋىنشا جوبالىق-سمەتالىق قۇجاتتامانى ازىرلەۋ پروتسەسىن جانە ولاردىڭ مەملەكەتتىك ساراپتاماسىن وڭتايلاندىرۋ ءۇشىن دەنساۋلىق ساقتاۋ مينيسترلىگى امسك وبەكتىلەرىنىڭ ۇلگىلىك جوبالارىن ازىرلەدى. بۇدان وزگە، كەيبىر وڭىرلەردە امسك وبەكتىلەرىنىڭ دايىن دەربەس جوبالارى بار، ولاردى قازاقستاننىڭ باسقا وڭىرلەرىندە پايدالانۋعا بولادى. وسىلايشا، امسك وبەكتىلەرىن سالۋعا بارلىق قاجەتتى جاعداي جاسالىنعان.

«دەنساۋلىق» مەملەكەتتىك باعدارلاماسى اياسىندا نەگىزگى سوزىلمالى اۋرۋلاردى باسقارۋ باعدارلاماسى كەڭەيتىلۋدە.

ەلباسىنىڭ تاپسىرماسى بويىنشا، اۋرۋلاردى باسقارۋ باعدارلاماسىن ەنگىزگەن مامانداردى ىنتالاندىرۋ ماقساتىندا 2019 جىلدىڭ باسىنان 36 000 ۋچاسكەلىك مەديتسينا قىزمەتكەرلەرىنىڭ جالاقىسىن كەزەڭ-كەزەڭمەن 20%-عا ۇلعايتۋ جوسپارلانىپ، 5،3 ملرد تەڭگە كوزدەلدى.

بۇعان قوسا، مينيستر امسك تولىقتاي تسيفرلاندىرۋ پروتسەسىنە توقتالىپ ءوتتى.

«2018 جىلدىڭ قورىتىندىسى بويىنشا قازاقستان رەسپۋبليكاسى بويىنشا دەنساۋلىق ساقتاۋ ۇيىمدارىن كومپيۋتەرلىك تەحنيكامەن جابدىقتاۋ 95،1% قۇرادى، قالالار مەن اۋدان ورتالىقتارىندا ينتەرنەت جەلىسى مەن مەديتسينالىق اقپاراتتىق جۇيەنى ەنگىزۋ 100% قۇرادى»، — دەدى مينيستر.

دەنساۋلىق ساقتاۋ ۇيىمدارىنىڭ 99%-ندا مەديتسينالىق قۇجاتتى قاعازسىز جۇرگىزۋ ەنگىزىلدى، 2 ملن-نان استام ادام ەمدەلۋشىلەرگە ارنالعان موبيلدىك قوسىمشانى قولدانۋدا. تسيفرلاندىرۋدىڭ ناتيجەسىندە ەمحانالارعا كەلۋ 2 ەسەگە، كەزەكتەر سانى 60%-عا قىسقاردى.

ەلجان ءبىرتانوۆ ءوز ءسوزىن قورىتىندىلاي كەلە، دەنساۋلىق ساقتاۋ مينيسترلىگى امسك قولجەتىمدىلىگى مەن ساپاسىن جاقسارتۋ جۇمىستارىن تۇراقتى نەگىزدە جۇرگىزەتىنىن اتاپ ءوتتى.

سوڭعى جاڭالىقتار

ەنەرگەتيكا – ەكونوميكا درايۆەرى

ەكونوميكا • بۇگىن، 21:25

تورعاي تاريحىن تولعاعان

تاريح • بۇگىن، 20:50

جىل ءسوزى

الەم • بۇگىن، 20:36

قۇلدىرامايتىن قۇندىلىق

تانىم • بۇگىن، 20:20

اۋعانستاندا جارىلىس بولدى

الەم • بۇگىن، 12:21

ۇقساس جاڭالىقتار