الماتى اۋدانى:
جەلەزنودوروجنىي, دوستىق, پرومىشلەننىي, وڭتۇستىك-شىعىس تۇرعىن الاپتارىنان 126 مىڭ تەكشە مەتر قار شىعارىلدى. اعىمداعى قىستا اۋداننان 1,1 ملن تەكشە مەتر قار شىعارىلدى.
سۋ باسۋى مۇمكىن جەتى ۋچاسكە انىقتالدى. ولاردىڭ تورتەۋى بويىنشا سۋدى سورۋ جۇمىستارى اياقتالدى, ءۇش ۋچاسكە باقىلاۋدا.
سونىمەن قاتار, استانا-قاراعاندى تاسجولىنان تەمىرجول ەكستاكاداسى اۋدانىندا ەرىگەن قار سۋىن بۇرۋ جۇمىستارى جۇرگىزىلدى. №41 رازەزد اۋدانىندا تەمىر جول توسەمى بويىمەن جانە نۇرلى كەنتىنە (اقمولا وبلىسى) باراتىن جول اۋدانىندا ارنالار تازارتىلادى.
بايقوڭىر اۋدانى:
سۋ باسۋدىڭ الەۋەتتى ايماقتارىنا مونيتورينگ جۇرگىزىلىپ, وسىنداي جەتى نۇكتە انىقتالدى. اۋداندا جۇيەلى سۋ باسۋ قاۋپى بار 39 ءۇي ورنالاسقان, 24 ءۇي اۋماعىنان ەرىگەن قار سۋى سورىلدى. اعىمداعى جاعدايدى باقىلاۋ تۇراقتى نەگىزدە جۇزەگە اسىرىلادى.
ەرىگەن جانە جاڭبىرلى سۋلاردى وتكىزۋ كەزىندە 31 182 تەكشە مەتر قار سۋى سورىلدى, ال جەكە سەكتورداعى ۇيلەر ماڭى اۋماقتارىن سۋ باسۋعا جول بەرمەۋ ءۇشىن كولەمى 866 تەكشە مەتر ينەرتتى ماتەريال سەبىلدى. وسى جۇمىستاردى جۇرگىزۋگە بارلىعى 3 مىڭ تەكشە مەتر ينەرتتى ماتەريال جانە 600 قاپ قۇم دايىندالدى.
ەسىل اۋدانى:
ۇزىندىعى 620 مەتر «م-1» جانە «م-2» كوپىرلەرى اراسىندا, «پريگورودنىي» تۇرعىن الابىندا 1,3 مىڭ مەتر نوسەرلى كارىز ناۋالارىن تازالاۋ جۇمىستارى اياقتالدى.
«استانا تازالىق» جشس مەردىگەرلىك ۇيىمى «مايبالىق» كولىنىڭ ارناسىن تازارتۋ بويىنشا, «لەگەند گرۋپپ لتد» جشس «ۇركەر» تۇرعىن الابىندا ورنالاسقان ارىقتى تازارتۋ بويىنشا جۇمىستاردى اياقتادى.
سونىمەن قاتار, «استانا ەتك» اق ۇركەر تۇرعىن الابىنداعى 19-شى كوشە اۋدانىندا كابەلدىك ارنانى بىتەۋ بويىنشا جۇمىستاردى جۇرگىزدى.
سارىارقا اۋدانى:
سۋ تاسقىنى كەزەڭىندە ەرەكشە سۋ باسقان بەس ايماق انىقتالدى. اگروقالاشىق, كوكتال-1, كوكتال-2 تۇرعىن الاپتارى, مايكوتوۆ, مىڭارال, ءجۇنىسوۆ (پانفيلوۆ), پاۆلوۆ كوشەلەرى. اۋداننىڭ جەكە سەكتورىنان قار شىعارۋ جۇمىستارى اياقتالدى. قازىرگى ۋاقىتتا اتالعان ۋچاسكەلەردەن سۋ سورۋ جۇمىستارى جۇرگىزىلۋدە.
16 قازاننان 1 ساۋىرگە دەيىن 536 289 تەكشە مەتر قار شىعارىلدى, 13 900 تەكشە مەتر ارىقتىق جەلىلەر تازارتىلدى. 1 610 جاڭبىر قابىلدايتىن تورلار تازارتىلىپ, 18 847 تەكشە مەتر سۋ سورىلدى, گاگارين, دۋلاتوۆ, قوجاحمەتوۆ, پاۆلوۆ كوشەلەرى بويىنشا موتوپومپالاردىڭ ءتورت بىرلىگى ورناتىلدى.
