قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىنىڭ بازاسىندا ۋنيۆەرسيتەت باستىعى گەنەرال-پولكوۆنيك ساكەن جاسۇزاقوۆتىڭ رەسەي فەدەراتسياسى فەدەرالدىق جينالىس فەدەراتسيا كەڭەسىنىڭ حالىقارالىق ىستەرى, قورعانىس پەن قاۋىپسىزدىك جونىندەگى كوميتەتتەردىڭ توراعالارى كونستانتين كوساچەۆ جانە ۆيكتور بوندارەۆپەن كەزدەسۋى ءوتتى.
قازاقستان رەسپۋبليكاسىنىڭ قازان قالاسىنداعى باس كونسۋلدىعىنىڭ مالىمەتتەرى بويىنشا, كەزدەسۋ بارىسىندا تاراپتار ەكى ەل اراسىنداعى ىنتىماقتاستىقتىڭ جاي-كۇيىنە توقتالىپ, كەلەشەكتەگى ماسەلەلەرىن, سونداي-اق كيبەرقاۋىپسىزدىك اياسىنداعى ءوزارا ءىس-قيمىل بارىسىن نازارعا الدى. وسى كەزدەسۋ بارىسىندا سونىمەن بىرگە شەتەلدىك قوناقتار تىڭداۋشىلارعا ءدارىس وقىپ, حالىقارالىق قاۋىپسىزدىك ماسەلەلەرىندەگى رەسەي قارۋلى كۇشتەرىنىڭ تاجىريبەسى دە تالقىلاندى.
