وسى رەتتە ەتنيكالىق قازاقتاردىڭ زەينەتاقى تولەمدەرىنىڭ ەڭبەك ءوتىلىن ەسەپتەۋدەگى شارالار تيىمدىلىگىن كورسەتىپ, قولدانىستاعى زاڭنامالارعا وزگەرىستەر مەن تولىقتىرۋلار ەنگىزىلگەن. دەسەك تە, كوپتەگەن ازاماتتار زاڭ شەڭبەرىندە جۇزەگە اساتىن ءىس-قيمىلداردىڭ بايىبىنا بارا بەرمەيدى. سوندىقتان دا اقپاراتتاردىڭ جۇيەلى جاريالانىپ وتىرۋى سالا ماماندارىنىڭ دا, كوكەيتەستى ماسەلەنى ارقالاپ جۇرگەن ازاماتقا دا تيگىزەر پايداسى زور.
ەڭبەك, الەۋمەتتىك قورعاۋ جانە كوشى-قون كوميتەتىنىڭ الماتى قالاسى بويىنشا دەپارتامەنتىنىڭ № 2 زەينەتاقى جانە الەۋمەتتىك قامسىزداندىرۋ ءبولىمىنىڭ باس مامانى دينارا قۋانقانوۆانىڭ ايتۋىنشا, «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» قازاقستان رەسپۋبليكاسىنىڭ 2013 جىلعى 21 ماۋسىمداعى № 105-V زاڭىنىڭ 13-بابىنىڭ 1-تارماعىنا سايكەس, تاريحي وتانىندا تۇراقتى تۇرۋ ماقساتىندا كەلگەن ەتنيكالىق قازاقتاردىڭ كەلگەن مەملەكەتتەگى ەڭبەك قىزمەتى زەينەتاقى تولەمدەرىن تاعايىنداۋ كەزىندە ەسەپكە الىناتىن بولادى.
«حالىقتىڭ كوشى-قونى تۋرالى» قازاقستان رەسپۋبليكاسىنىڭ 2011 جىلعى 22 شىلدەدەگى № 477-IV زاڭىنىڭ (بۇدان ءارى – زاڭ) 1-بابىنىڭ 28 تارماقشاسىنا سايكەس, ەتنيكالىق قازاق – شەتەلدە تۇراقتى تۇراتىن ۇلتى قازاق شەتەلدىك نەمەسە ازاماتتىعى جوق ادام.
ايتا كەتەرلىگى, اتالعان زاڭنىڭ 3-بابىنا سايكەس, قازاقستان رەسپۋبليكاسىنىڭ اۋماعىنا كەلۋ جانە قازاقستان رەسپۋبليكاسىنىڭ اۋماعىندا بولۋ ماقساتىنا قاراي كوشىپ كەلۋدىڭ مىناداي نەگىزگى تۇرلەرى بار: - تاريحي وتانىنا ورالۋ ماقساتىندا;
- وتباسىن بىرىكتىرۋ ماقساتىندا; - ء بىلىم الۋ ماقساتىندا; - ەڭبەك قىزمەتىن جۇزەگە اسىرۋ ماقساتىندا; - گۋمانيتارلىق جانە ساياسي ۋاجدەر بويىنشا.
ەڭبەك ءوتىلىن ەسەپكە الۋ نورماسى, شەت ەلدەگى تاريحي وتانىنا (قازاقستان رەسپۋبليكاسىنا) تۇراقتى تۇرۋ ماقساتىندا كەلگەن ەتنيكالىق قازاقتارعا قاتىستى.
اتالعان نورمالاردى جۇزەگە اسىرۋ ءۇشىن, «مەملەكەتتiك بازالىق زەينەتاقى تولەمiن بيۋدجەت قاراجاتى ەسەبiنەن بەرۋ, سونداي-اق جاسىنا بايلانىستى زەينەتاقى تولەمدەرىن, مۇگەدەكتىگى بويىنشا, اسىراۋشىسىنان ايرىلۋ جاعدايى بويىنشا بەرىلەتىن مەملەكەتتىك الەۋمەتتىك جاردەماقىلاردى, مەملەكەتتىك ارنايى جاردەماقىلاردى تاعايىنداۋ جانە جۇزەگە اسىرۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 14 ساۋىردەگى № 223 بۇيرىعىنداعى, ەڭبەك ءوتىلىن راستايتىن قۇجاتتاردىڭ تىزبەسى, تۇراقتى تۇرۋ ماقساتىمەن كەلگەن ەتنيكالىق قازاقتاردىڭ تۇرعان جەرىندەگى ەڭبەك قىزمەتىن راستايتىن قۇجاتپەن تولىقتىرىلدى.
ءوتىنىش بەرۋشىنىڭ ەڭبەك ءوتىلىن راستايتىن قۇجاتتارعا: ەڭبەك كىتاپشاسى; ەڭبەك كىتاپشاسى جوق نەمەسە جارامسىز بولسا, ەڭبەك كiتاپشاسىندا ءتيىستى جازبالار, ناقتىلىق بولماسا, تۇزەتۋلەر جانە وقىلۋىندا ارتۇرلىلىك بولسا ارحيۆ مەكەمەلەرiنەن نەمەسە جۇمىس ورنىنان انىقتامالار, مەملەكەتتىك ءارحيۆتىڭ نەمەسە ۆەدومستۆولىق ءارحيۆتىڭ ۋاكىلەتتى قىزمەتكەرىنىڭ ەلەكتروندىق تسيفرلىق قولتاڭباسىمەن كۋالاندىرىلعان ارحيۆتىك قۇجاتتىڭ ەلەكتروندىق كوشىرمەلەرى نەمەسە جۇمىس ورنىنان انىقتامالار; اسكەري بيلەت نەمەسە قورعانىس ىستەرى جونىندەگى باسقارمانىڭ ء(بولىمنىڭ) انىقتاماسى جاتادى.
اتالعان قۇجاتتاردىڭ شەت ەلدە بەرىلگەندىگىن ەسكەرە وتىرىپ, ءبىر تىلدەن ەكىنشىسىنە اۋدارمانىڭ دۇرىستىعى «نوتاريات تۋرالى» قازاقستان رەسپۋبليكاسىنىڭ 1997 جىلعى 14 شىلدەدەگى №155 زاڭىنىڭ 34 بابىنىڭ, 9 تارماقشاسىنا سايكەس كۋالاندىرىلۋى كەرەك.
زاڭناماعا ەنگىزىلگەن وزگەرىستەرگە بايلانىستى, زەينەتكەرلەر 1998 جىلدىڭ 1 قاڭتارىنا دەيىنگى ەڭبەك ءوتىلى تۋرالى قوسىمشا قۇجاتتاردى «ازاماتتارعا ارنالعان ۇكىمەت» مەملەكەتتىك كورپوراتسياسىنا ۇسىنعان ۋاقىتتان باستاپ, جاسىنا بايلانىستى جانە مەملەكەتتىك بازالىق زەينەتاقى تولەمدەرىنىڭ مولشەرى قايتا ەسەپتەلەدى.
