تۇمەن تۇرعىندارى ءۇشىن ازىرلەنگەن تۋر باعدارلاماسى قر ەلورداسىنىڭ كورنەكتى جەرلەرىنە شولۋ ەكسكۋرسياسىن جانە بالقاش كولىنە ترانسفەردى قامتيدى. تۇمەندىكتەردى جاڭا تۋريستىك مارشرۋتتا كۇن مەن جاعاجاي دەمالىسى عانا ەمەس, سونىمەن قاتار تارتىمدى باعالار دا قىزىقتىرادى دەپ بولجانۋدا.
بالقاش كۋرورتتىق ايماعى – ءتۋريزمنىڭ وڭىرلىك دامۋىنىڭ نەگىزگى نۇكتەلەرىنىڭ ءبىرى. ول رەسپۋبليكالىق تۋريستىك كارتانىڭ توپ-10 نىسانىنا ەنگىزىلگەن.
ىشكى جانە سىرتتان كەلۋ ءتۋريزمىن دامىتۋدىڭ مەملەكەتتىك باعدارلاماسى جاڭا نىسانداردى سالۋدى, جاعاجايلاردى اباتتاندىرۋدى, كوممۋنيكاتسيالاردى جۇرگىزۋدى كوزدەيدى. نەگىزگى نىسان رەتىندە ەكى دەمالىس ايماعى انىقتالدى — شۇبار-تۇبەك جانە تورىڭعالىق.
بيىلعى جىلى ۇزىندىعى 360 شاقىرىمدى قۇرايتىن ءتورت جولاقتى "قاراعاندى-بالقاش" اۆتوبانىنىڭ قۇرىلىسىن باستاۋ جوسپارلانىپ وتىر.
